Songs 45:8 - Hawaii Pidgin Bible

⁸ All yoa clotheses smell nice From da sap an da bark Dat dey use fo make perfume. From inside da palaces Wea get plenny nice kine stuff Wit ivory on top, Dey make music Fo make you feel real good.

Songs 45:8 ပူးပေါင်းရင်းမြစ်များ

1 Kings 22:39

Had odda stuff happen wen Ahab stay king. All da tings he wen do—da palace he wen build wit ivory kine decoration, da towns he wen put strong wall aroun—all dat stay write inside da Record Book Fo Da Israel Kings.

Songs 11:7

Cuz Da One In Charge, he erytime do wass right, An he get love an aloha fo da peopo dat do wass right. Dass why da peopo dat stay do da right ting, Dey goin get da right fo live wit him.

Songs 150:4

Shake da tammorine, an dance Fo tell good tings Bout Da One In Charge! Use string kine instrument an flute Fo tell good tings Bout Da One In Charge!

Songs 16:11

You, you erytime show me Da way fo live fo real kine. Wen I stay wit you, I stay good inside to da max. Az nice, cuz I live nea you all da time!

Songs 45:15

Wen da peopo bring da wahines inside, Erybody feel good inside An dance an sing. Da wahines go inside da palace Wea da King stay.

Love Song 1:13

Fo me, da one dat love me, Az jalike da small bag myrrh kine perfume Dat stay res all nite in da middo a my breases.

Love Song 1:3

Nice, how you smell. Wen peopo use yoa name, az jalike dey stay pour out perfume kine oil. Az why all da young wahines love you!

Love Song 3:6

Eh! Wat dis, dat stay come up from da boonies, Jalike az smoke go up from da groun to da sky? Smell jalike myrrh kine perfume an incense Dat dey make from all da spices dat da trader guys get.

Love Song 4:6

Befo da early morning wind come An da shadows run away, I goin go up da mountain wea get da myrrh, An da hill wea get da incense.

Love Song 5:1

Eh sistah! I stay come inside my garden, My bride, da one I love. I bring my myrrh, an my balsam spice too. I eat my honeycomb, an my honey too. I drink my wine, an my milk too. Eh ma frenz! Eat an drink! You guys dat love each odda, drink plenny, Till you come full.

Love Song 5:13

Da beard on his cheeks smell nice, Jalike gardens all pile up wit balsam spice bush. His lips jalike lily flowas Dat get myrrh kine perfume all ova.

Love Song 5:5

I get up fo open da door fo da one dat love me fo come inside. My hands drip wit da myrrh perfume. My fingas get da myrrh perfume running down um, On top da handle fo da lock.

Amos 3:15

I goin wack da nice houses wea dey live winta time An da houses wea dey live summa time. Da houses dey build wit plenny ivory inside goin come bus up. All ova da place, no goin get da houses dat get now.” Dass wat me Da One In Charge tell.

Matthew 2:11

Dey go inside da house. Dey see da boy an his muddah Mary. Dey go down in front him an show him respeck. Den dey take out dea rich stuffs, an give um to Jesus. Dey give um gold, incense, an spesho kine myrrh perfume.

John 14:2

Inside my Faddah house, get plenny place fo stay. If neva have, I wen tell you guys awready. I goin go ova dea fo make you guys place ready.

John 19:39

Nicodemus, he go wit Joseph too. He da guy dat befo time go by Jesus nite time fo talk wit him. He bring aloe an myrrh, all mix up, bout hundred poun, fo put on top Jesus body befo dey bury him.

Hebrews 12:2

Da whole time us guys stay run da race, we look at one guy ony, dass Jesus. He da One dat help us start fo trus God, an da One dat help us fo trus God to da end. Wen he wen suffa on top da cross, he hang in dea. Neva bodda him dat dey make him come shame. He do dat cuz he know dat bumbye he goin come real good inside. An in da end, he sit down in da mos importan place, by God throne, on da right side.