Songs 45:4 - Hawaii Pidgin Bible

⁴ You da winna erytime! Az why you get respeck! Az why wen you ride on top yoa horse Cuz you da leada guy, You fight fo show Dat peopo can trus you. An you show dat you no mo big head Wen you do wass right. I like fo you use yoa strong powa Fo do awesome kine tings.

Songs 45:4 ပူးပေါင်းရင်းမြစ်များ

Songs 2:9

You goin smash um wit one iron bar, An bus um up Jalike dey ony clay pots.’ ”

Songs 60:4

But fo da ones Dat get choke respeck fo you, Az jalike you give um one flag Fo dem know wea fo run Wen dey stay fight, One place fo come togedda Wen da odda guys shoot arrow, No ways Dey goin reach yoa guys! (Time out fo da music.)

Songs 65:5

Wen we yell to you fo help us guys, You stay do real awesome an unreal tings Cuz you da God Dat stay get us outa trouble. Even da peopo dat live Da odda side a da world An inside da far oceans, Dey stay trus you.

Isaiah 11:5

He goin stay ready fo make war agains da bad kine stuff peopo do. He goin be strong, cuz he do da right tings erytime, An you can trus him erytime.

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Matthew 11:29

Jalike da cows get yoke on top dem fo pull dea load, you guys put my yoke on top you. Learn fo do wat I stay teach you. I stay gentle kine an I like take kea odda peopo befo I take kea me, fo notting bodda you guys.

Luke 19:27

Da guys dat stay agains me an no like me fo come dea king—bring um ova hea, an kill um in front me.’ ”

John 1:17

Moses wen give oua ancesta guys da Rules From God. Den Jesus Christ, God Spesho Guy, he do plenny good stuff fo us, an eryting he tell us bout God, stay fo real.

John 14:6

Jesus tell um, “No mo anodda guy can bring peopo to da Faddah, ony me. I bring peopo to um, jalike I da road. I da guy dat get da trut. I da guy dat make da peopo come alive fo real kine.

2 Corint 10:1

Dis yoa braddah Paul stay talking. You guys tink I shame fo talk strait wen I stay wit you guys? But I no shame fo talk strait wen I stay one far place. Eh, I stay tell you guys fo lissen me, cuz Christ get one good heart fo you guys, an he give you guys chance.

1 Tessalonika 1:5

Dat time us guys wen tell you guys da Good Kine Stuff From God, was mo den jus talk, you know. Da Good An Spesho Spirit from God wen give us guys plenny powa, an make us guys know fo shua dat da stuff we stay tell you was fo real. You guys know wat us guys was like fo real kine wen we wen stay wit you guys. An we wen make lidat cuz we get plenny aloha fo you guys, az why.

1 Tessalonika 2:13

An we erytime tell God “Mahalo plenny” cuz a dis too: We wen tell you guys wat God tell, an you guys wen trus dat. You guys neva figga was ony wat peopo tell. Da stuff you guys wen trus was wat God tell, an dass fo real. An dass wat stay make you guys come diffren inside.

2 Tessalonika 3:1

An one mo ting, my braddahs an sistahs. Pray to God fo us guys tell peopo all ova da world fo know all da awesome stuff from Da One In Charge, jalike wat wen happen to you Tessalonika guys.

Jesus Show 11:18

Da peopos dat no trus you, Dey real huhu, But you tell ‘Laytas’ to da bad kine stuff dey do. “Time awready fo you Fo come da Judge fo da mahke peopo. An fo give yoa worka guys da good kine stuff you get fo dem Fo wat dey do fo you. Same ting you goin give to all da guys dat talk fo you, An all yoa spesho peopo, An you goin give um to da ones dat get respeck fo how you stay, Da big peopo an da litto peopo. “Time awready fo wipe out da guys Dat wipe out all da odda peopo Dat stay on top da earth!”

Jesus Show 19:11

Den, jalike one dream, I see da sky open up, an dea in front me get one white horse wit one guy on top him. Dey call dat guy Da One Dat Do Wat He Tell He Goin Do an Da One Dat Tell Da Trut. He erytime do wass right, wen he make jalike one Judge, an wen he lead one army fo fight one war.

Jesus Show 20:15

Erybody dat no mo dea name inside Da Book Dat Tell Who Get God Kine Life, God throw dem inside da lava lake dat stay burn.

Jesus Show 6:2

Den, eh! I look an see one white horse. Had one guy on top um wit one bow fo shoot arrow. He get one crown. An he go out jalike one army guy fo fight an win agains da guys dat hate him.