Songs 45:3 - Hawaii Pidgin Bible

³ Tie yoa sword aroun yoa wais! You one real strong guy! You look jalike one king, An you awesome!

Songs 45:3 ပူးပေါင်းရင်းမြစ်များ

Job 1:16

Befo dat guy pau talk, anodda messenja guy come. He tell, “Get fire from God fall down from da sky an burn up da sheeps an da worka guys! Me, I da ony one dat get away fo come tell you dis!”

Songs 104:1

I tink lidis: “I like tell how Da One In Charge Make me come wat he like me fo come!” An I tell, “Eh! You Da One In Charge! You my God, an you big fo shua! Erybody get respeck fo you! Dey can see, you one awesome king!”

Songs 145:12

Dey talk lidat fo make shua All da peopo know Bout da tings you do cuz you strong, An cuz da powa you get fo be king Real awesome, Erybody get respeck fo you!

Songs 145:5

I goin tink plenny Bout how awesome you stay, Az why I get choke respeck fo you! I goin tink plenny bout da awesome tings you do!

Songs 21:5

Da One In Charge, you make peopo get plenny respeck fo da king, Cuz you help him win da war. You make him awesome an importan,

Songs 21:7

Eh! You Da One In Charge! You do all dat Cuz da king trus you. You da God Dass Mo Importan Den All Da Odda Gods, An cuz you stay tight wit da king, No mo nobody goin throw him out.

Songs 96:6

All aroun Da One In Charge, Eryting stay awesome! Eryting aroun him show dat he da king! Inside da place dat stay spesho fo him, Can see how strong an unreal he stay!

Love Song 2:3

Yeah, an da guy dat love me, Wen he stay wit da odda young guys, He jalike one apple tree Dat grow wit da wild fores trees all aroun him. I feel real good wen I sit undaneat da shade from dat tree. Az real sweet jalike fruit, wen he make love to me!

Love Song 5:13

Da beard on his cheeks smell nice, Jalike gardens all pile up wit balsam spice bush. His lips jalike lily flowas Dat get myrrh kine perfume all ova.

Isaiah 49:2

He make da stuff I tell, jalike one sharp sword. He hide me inside his hand wea nobody can see me. He make me jalike one shiny arrow dat he make sharp, An he hide me inside his arrow bag.

Jesus Guys 10:36

Dis da Good Stuff dat God send peopo fo tell da Israel peopo: ‘Eh! Us guys can come frenz wit God an feel good inside cuz a wat Jesus Christ wen do. He Da One In Charge a eryting an erybody.’

Rome 14:9

Dass how come Christ wen mahke, an den come back alive one mo time. He do dat fo show he Da One In Charge fo da peopo dat mahke awready, an same ting fo da peopo dat stay alive too.

Hebrews 1:3

God Boy, he show how awesome God stay, Jalike wen da sun stay shine in one mirror. He stay same same jalike his Faddah, Same same jalike one picha Fo show how da Faddah stay fo real kine. Da tings God Boy tell, get choke powa Fo make eryting hang togedda. Afta he pau throw out da bad kine stuff da peopo do Fo dem come clean inside, He go sit down up ova dea in da sky, On da right side nex to God Da Awesome King. Dass da spesho place fo show how importan he stay.

Hebrews 4:12

Az cuz wat God tell stay alive, an get da powa fo do wat suppose to do, an stay mo sharp fo change us guys inside den one sharp sword dat two side sharp. Wat God tell cut deep inside fo show fo real kine how we tink an wat we like do, an even cut deep inside da joints an da bone marrow. Wat God tell judge wat we tink an how we tink bout stuff.

Hebrews 8:1

So, all dis stuff I stay tell you guys, dis da main ting: Us guys get da Main Pries dass perfeck. Dass Jesus. He da One dat sit down in da mos importan place, by da right side a da throne wea God Da Awesome King stay up dea inside da sky.

Jude 1:25

He da ony God! He da One take us outa da bad kine stuff. We gotta tell how awesome he stay. He da Big King, An he get all kine powa fo do watevas. Da One In Charge, az Jesus Christ, Make eryting come pono Befo time, An now, An foeva. Dass right!

Jesus Show 1:16

Inside his right hand, he hold seven stars! From outa his mout, come one sword dat get da two side sharp! His face stay shine, jalike wen da sun shine real strong!

Jesus Show 19:15

One sharp kine sword come out from his mout, an he win da war agains all da diffren peopos from all ova da world wit da sword. He goin be King ova dem, an lead dem wit one iron club. Da Guy on top da white horse goin walk all ova da grapes dat make da wine. An dat show dat Da God Dat Get All Da Powa stay huhu, an had it wit da bad kine stuff da peopo stay do.

Jesus Show 19:21

Da Guy dat ride da horse kill all da oddas wit da sword dat come out from his mout. An all da scavenja birds eat um all up!

Local Leadas 3:16

Ehud wen make one small sword wit two sides sharp, bout 18 inch long. He tie um to his right thigh, unda his clotheses.