Songs 45:1 - Hawaii Pidgin Bible

¹ Inside me, jalike I come excited Fo tell bout one real good ting. I stay make dis song fo da king, Jalike I one writa guy Dat know how fo tell one story Fo real kine.

Songs 45:1 ပူးပေါင်းရင်းမြစ်များ

2 Samuel 23:2

“Da Spirit from Da One In Charge give me da words fo tell erybody. He use my mout fo tell stuff.

Ezra 7:6

An Ezra, he know plenny bout da Rules dat Da One In Charge, da God fo da Israel peopo, wen give to da Israel peopo befo time. An Ezra know how fo teach um. Da One In Charge, da God dat Ezra pray to, like do good tings fo Ezra, an help um plenny. Az why King Artaxerxes wen give Ezra eryting he aks da king fo give him. So dat time, Ezra leave Babylon an go Jerusalem.

Job 33:3

Wat I tell, show dat inside, I tink da right way. I tell wat I know, an notting wrong bout dat.

Job 34:4

Good, us guys make up oua mind Bout wat stay right bout wat Job tell. Good, us guys learn togedda da part dat stay good.

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

Songs 42:1

Eh God! I like know you real good inside, Jalike one deer Dat gotta find one stream Fo drink watta.

Songs 49:3

I goin tell you guys How fo know wat fo do erytime. Wen I tink plenny, I undastan wat I tink bout.

Songs 69:1

Eh God! Get me outa trouble! Jalike da flood watta Come up to my neck awready!

Songs 80:1

You da one dat take kea Us Israel ohana guys Jalike one sheep guy Take kea his sheeps. You da one dat show Da Joseph ohana guys wea fo go, Jalike one sheep guy Show his sheeps wea fo go. So, lissen wat I tell! From da place you stay, Ova da Box Fo No Foget Da Deal, Wea da awesome angel watcha guys Stay on top— Show how strong you!

Smart Guys 16:23

Da kine guy dat tink befo he talk, He know wat fo do erytime, An cuz he undastan how come tings happen, He goin tell da right ting. Wen one guy know how fo talk good lidat, Mo plenny peopo goin lissen wat he tell um.

Love Song 1:12

All da time my king guy lay on his couch Real nice, my nard kine perfume smell!

Isaiah 5:1

I like sing one song fo da one I get love an aloha fo. I goin sing one song bout his grape field On top one hill dat get good groun.

Matthew 12:35

Da good guy, he good inside, an he do good kine stuff. Da bad guy, he bad inside, an he do bad kine stuff.

Matthew 25:34

“Me, da King. Dat time I goin tell da guys on my right side, ‘Go come ova hea! My Faddah like do plenny good kine stuff fo you guys, an give you guys eryting you need. You know, wen he make da world, he awready make all dis stuff ready fo you guys, cuz I goin come yoa King. Az why all dis stuff fo you guys! Take um awready.’

Matthew 27:37

Dey make one sign an put um ova his head, fo tell erybody wat he wen do wrong. Dis da sign: Dis Jesus Da King Fo Da Jews

Efesus 5:32

How da husban an da wife get love an aloha fo each odda, dass one picha how Christ an da church peopo stay one you know. Was one secret befo time, but now us guys undastan wat da stuff bout Christ an his church peopo mean.

2 Peter 1:21

Cuz da stuff dey wen write, dey neva write um jus fo make up someting. Wat dey wen write, az wat God wen give um. Dey tell wat da Good An Spesho Spirit wen show um fo tell.