Songs 43:3 - Hawaii Pidgin Bible

³ Shine yoa light fo show wass true, Fo me know wea fo go. Dass how I goin go by Zion Hill Dat stay spesho fo you, Cuz dass da place you live.

Songs 43:3 ပူးပေါင်းရင်းမြစ်များ

2 Samuel 15:20

Jalike was ony yestaday wen you guys wen come by us. So today, no need you guys come homeless an go all ova da place wit us guys! I donno wea us goin go. Go back, an take all yoa guys. Stay tight wit each odda an trus each odda!”

2 Samuel 15:25

But da king tell Zadok, “You an yoa guys, take da Box Fo God back inside Jerusalem town. If Da One In Charge get aloha fo me, he goin bring me back, an let me see da Box an da place wea da Box stay one mo time.

1 Records 16:1

Dey bring da Box Fo No Foget Da Deal Wit God, an put um inside da tent dat David wen make fo um. Da peopo bring animals fo da burn up kine sacrifice an da kine sacrifices dat show dat dem an God stay tight wit each odda.

1 Records 16:39

But Zadok da pries guy an da his ohana guys da odda prieses, David leave dem Gibeon side, in front da Tent Fo Meet Wit Da One In Charge, az da sacrifice place inside Gibeon.

1 Records 21:29

Cuz da Tent Fo Meet Wit Da One In Charge dat Moses wen make inside da boonies, still stay on top da sacrifice place Gibeon side dat time. Same ting fo da altar fo make burn up kine sacrifice.

Songs 119:105

Da tings you tell, dass jalike one lamp Fo show me wea fo put my feets, Dass jalike one light Dat let me see da road.

Songs 143:10

Teach me how fo do Wat you like me fo do, Cuz you da God fo me. I like fo yoa good Spirit show me How fo walk strait so I no jam up. Jalike I stay walk on top flat groun.

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

Songs 3:4

I wen yell to Da One In Charge Fo help me. He hear me up dea On top da mountain Dat stay spesho fo him, An he help me. (Time out fo da music.)

Songs 36:9

Da fo real kine life, All come from you, An dass how us guys know how fo live, Jalike you let us see da light.

Songs 40:11

Eh! You Da One In Charge! No hold back bumbye Fo do da tings dat show You get love an aloha fo me. Try make shua Notting bad happen to me, Cuz you stay tight wit yoa peopo, An you tell da trut.

Songs 42:4

I spill my guts, Cuz I no foget how was befo time. Dat time, I wen go In front plenny peopo Fo bring dem by da Temple fo God, Wit erybody amping out Cuz dey stay real good inside. Had choke plenny peopo stay tell God “Mahalo plenny!” An all dem go togedda fo pray to him!

Songs 46:4

Da peopo stay live inside da big town Wea get one riva. Dass wea da God Dass Mo Importan Den All Da Odda Gods Get his spesho place. Da peopo ova dea, dey feel real good Cuz a da watta from da riva.

Songs 57:3

I like fo God reach down from da sky Fo get me outa trouble. If somebody like make any kine to me, I like God make um come shame. (Time out fo da music.) I like fo God stay tight wit me Cuz I his guy An he erytime do Wat he tell he goin do.

Songs 57:4

Weneva I go sleep, Da peopo dat stay agains me, Dey jalike lions all aroun me Dat like eat peopo, An get sharp teet jalike spears an arrows. Wen dey talk, jalike dey cut me Wit one sharp sword.

Songs 78:68

Da ohana dat God wen pick, Az was da Judah ohana. He wen pick Zion hill Inside Jerusalem town, Cuz he get love an aloha Fo dose peopo ova dea.

Songs 84:1

Eh! You Da One In Charge! Real nice looking, Da place wea you live! You da Boss Ova All Da Armies!

Songs 97:11

God do good tings Fo da peopo dat get um right wit him, God make um shine bright. Da peopo dat do wass right, God make um stay real good inside.

Micah 7:20

You goin hang in dea wit da Jacob ohana peopo, An stay tight wit da Abraham ohana peopo, Jalike you wen make one strong promise to oua ancesta guys fo do, Long time befo time.”

Micah 7:8

You guys dat stay agains me, No laugh bout me! No matta I fall down, I goin stan up one mo time. No matta jalike I sit inside one dark place, Da One In Charge goin stay jalike one light fo me.

John 1:17

Moses wen give oua ancesta guys da Rules From God. Den Jesus Christ, God Spesho Guy, he do plenny good stuff fo us, an eryting he tell us bout God, stay fo real.

John 1:4

He da Guy, if you like come alive fo real kine, you gotta come by him. Dass da kine life come from him. Wen peopo come alive lidat, jalike dey stay inside one place dat get plenny light. Den dey can see an undastan stuff.