Songs 43:2 - Hawaii Pidgin Bible

² Cuz you da God fo me. You jalike One strong wall so I no get hurt. So, how come you wen dump me?! How come I gotta live real sore inside, An da peopo dat stay agains me, Dey erytime come afta me?!

Songs 43:2 ပူးပေါင်းရင်းမြစ်များ

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

Songs 140:7

You Da One In Charge! You da Boss fo me! You strong fo get me outa trouble. You make shua I no get hurt Wen get war.

Songs 28:7

Da One In Charge, he da One make me strong, An he jalike one shield fo no mo notting hurt me. Inside I trus him. Da One In Charge wen give me powa. He wen help me, an I stay good inside. I like how awesome he stay Dass why I sing dis to him

Songs 31:4

Da guys dat stay agains me Set up one trap fo catch me, But no let me go dea, Cuz you da One dat make shua I no get hurt.

Songs 42:10

Da peopo dat stay agains me, Dey like make me come shame, Jalike my bones real sore, Enuff fo kill me. All day dey talk: “Eh! Yoa God, how come He no stay by you?!”

Songs 42:9

I goin talk lidis to God: “Eh! You jalike One big solid rock fo me! So, how come You wen foget bout me?! How come I gotta live all sore inside, Erytime da peopo dat stay agains me, Come afta me?!”

Songs 44:9

But now, God, You make us guys Jalike we notting. You make us guys come shame. You no go wit oua army guys fo fight.

Songs 71:9

An now, I ol. No throw me out! No dump me Jus cuz I no stay strong no moa.

Songs 77:7

But now, I tell: “I donno bout my Boss. Maybe he goin throw me out foeva! O maybe he no goin like me bumbye!

Songs 88:15

From small kid time, me pooa ting, An I litto mo mahke all da time! I stay suffa, cuz I real sked a you, An I stay bum out an donno wat fo do.

Songs 94:14

Cuz Da One In Charge No goin dump his peopo. He no goin go way From da ones dat stay his.

Outa Egypt 15:2

Da One In Charge, he da One dat make me strong an solid, He wen come da One dat get me outa trouble. He da God fo me, an I like tell, he da greates! He stay da God fo my faddah guy too, an I goin tell, he da bestes!

Isaiah 40:31

But da peopo dat wait fo Da One In Charge help dem, Dey goin change fo dem come mo strong still yet. Dey goin fly up jalike da eagle Wit dea wide wing. Dey goin run an no come tired. Dey goin walk an no come wore out.”

Isaiah 45:24

Dey goin tell dis bout me, ‘Fo shua, ony one way fo do da right kine stuff, Ony one way fo stay strong: Gotta stay tight wit Da One In Charge!’ But erybody dat come huhu wit Da One In Charge Dey gotta go in front him, An dey goin come plenny shame.

Zekariah 10:12

I goin make dem come strong army guys, Cuz me Da One In Charge, an I strong. Wen dey march, dey goin use my name.” Az wat Da One In Charge tell.

Efesus 6:10

So den, stan strong cuz you guys stay tight wit Da One In Charge, an he get all da powa you guys need fo make you guys strong inside.

Philippi 4:13

I strong enuff fo handle any kine cuz I stay tight wit Christ, an he give me da powa fo do um.