Songs 42:9 - Hawaii Pidgin Bible

⁹ I goin talk lidis to God: “Eh! You jalike One big solid rock fo me! So, how come You wen foget bout me?! How come I gotta live all sore inside, Erytime da peopo dat stay agains me, Come afta me?!”

Songs 42:9 ပူးပေါင်းရင်းမြစ်များ

Songs 13:1

Eh! You Da One In Charge! You goin bag from me foeva, o wat?! You goin stay huhu an look da odda way?!

Songs 18:2

Da One In Charge, he make shua notting bad happen to me, Jalike he one solid rock mountain an one strong wall. He jalike one big solid rock, Fo me go by him fo hide me. He real strong, Jalike he one shield dat no let nobody touch me. He jalike one big wall.

Songs 28:1

Eh! You Da One In Charge! You da Guy! You strong, jalike one big rock! I stay yell to you! I like fo you help me! So no go make deaf ear! Cuz if you no do notting, I goin be jalike da peopo Dat litto mo mahke An go inside da Deep Dark Hole!

Songs 38:6

I no can stan up strait, cuz real sore. Ery day, I feel sad, Jalike wen somebody mahke.

Songs 43:2

Cuz you da God fo me. You jalike One strong wall so I no get hurt. So, how come you wen dump me?! How come I gotta live real sore inside, An da peopo dat stay agains me, Dey erytime come afta me?!

Songs 55:3

Cuz da guys dat stay agains me Tell dey goin bus me up! Da bad guys presha me. Dey make bad kine tings happen fo me. Dey come huhu wit me, An dey like stay lidat fo long time.

Songs 62:2

He da ony one dat stay Jalike one big rock wea I can hide, An he get me outa trouble. He jalike one strong wall fo me. Nobody goin make me Fall down real hard.

Songs 77:9

Maybe God foget how fo give chance! Maybe he stay huhu, An no show pity no moa!” (Time out fo da music.)

Songs 78:35

Den da peopo no foget dat God, He stay jalike one big rock fo help dem. Da God Dass Mo Importan Den All Da Odda Gods, He da One wen pay da price Fo get um back.

Songs 88:9

My eyes, all poho Cuz I stay sad inside. Still yet, ery day I yell fo you help me, An I put up my hands fo pray to you, Da One In Charge.

Songs 92:3

I stay play da ten-string harp An da twelve-string harp, I stay play da small harp Fo help me tink plenny bout you.

Teacha 4:1

I look one mo time, an I see all da presha dat some peopo put on top odda peopo unda da sun. I see peopo cry, da ones get presha on top dem. No mo nobody fo help dem come so notting bodda dem. Da guys dat put presha on top dem get plenny powa. No mo nobody fo help dem come so notting bodda dem.

Isaiah 40:27

“You Israel peopo dat come from Jacob, How come you guys tell, ‘Da One In Charge no can see wat stay happen to me! My God no give a rip bout my rights!’

Isaiah 49:15

But Da One In Charge tell, “Eh! You tink one muddah goin foget Her bebe dat stay breas feed? You tink she no mo love an pity Fo da kid she wen born? No matta she foget, Me, no way I goin foget you Jerusalem guys!