Songs 42:5 - Hawaii Pidgin Bible

⁵ I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I still goin get Good tings fo tell bout him! Him, he da God fo me, An he stay get me outa trouble.”

Songs 42:5 ပူးပေါင်းရင်းမြစ်များ

Job 13:15

Maybe God goin kill me! Maybe I no mo notting fo wait fo! Still yet, I goin show proof in front him, how come I live da way I live.

Songs 35:14

Fo me I sore inside Jalike wen one fren o braddah mahke. I wen go all ova jalike somebody Dat cry cuz dea muddah mahke. I look down an I cry plenny.

Songs 37:7

No tell notting, jus wait In front Da One In Charge. Hang in dea, an wait Fo Da One In Charge take kea you. No come huhu if some odda guy Stay make plenny money An no let um bodda you Wen da peopo make One no good kine plan an do um.

Songs 38:6

I no can stan up strait, cuz real sore. Ery day, I feel sad, Jalike wen somebody mahke.

Songs 42:11

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I goin get good tings fo tell Bout him still yet! Him, he da God fo me, An he stay get me outa trouble.”

Songs 43:5

I tink lidis: “Eh! No need I stay All bum out inside! No need I stay moan! Cuz God, him da One I wait fo, Fo help me! Cuz you know wat? I get mo plenny good tings Fo tell bout him! Him, he da God fo me, An he erytime get me outa trouble.”

Songs 44:3

Oua ancesta guys Wen take ova dis land, But no was cuz dey good wit swords O mo strong. Da main ting dat wen help dem fo win, Was cuz you stay strong. Cuz you like dem, An you like do good tings fo dem.

Songs 56:11

I stay trus God, Az why I no stay sked. Odda peopo, dey no can do Notting to me, you know!

Songs 56:3

But any time I stay sked, You da one I trus.

Songs 61:2

From da mos far place on top dis earth I yell fo you help me Weneva I feel all bum out An weak inside. Show me wea fo go Fo hide on top one big rock Dat stay mo importan den me,

Songs 71:14

But fo me, foeva I stay shua You goin do good tings fo me. I goin tell peopo mo an moa Dat you da greates.

Songs 77:3

I tink bout God, an I moan. I tink plenny bout stuff, An jalike I pass out inside. (Time out fo da music.)

Isaiah 30:29

But you Judah guys goin sing, Jalike you sing Da nite you make spesho fo God Befo one spesho religious kine ceremony. You goin feel real good inside Jalike wen peopo play da flute An go up da hill wea Da One In Charge stay. He jalike one solid Rock fo da Israel peopo.

Isaiah 50:10

If one a you guys feel sked Wen he go in front Da One In Charge, An he lissen wat I tell, Cuz I da guy dat work fo Da One In Charge, Den, wen dat kine guy walk inside one dark kine place Wea no mo light, He goin trus Da One In Charge, Cuz he know wat kine god him, An he goin let his God take kea him.

Census 6:26

Da One In Charge goin look at you wit aloha, An make eryting come good fo you.’

Matthew 1:23

“Lissen up! One young wahine Who neva sleep wit nobody, Goin get hapai. She goin born one boy. Dey goin name him Emmanuel.” (“Emmanuel” mean, “God stay hea now wit us guys.”)

Matthew 26:38

He tell um, “Eh, you know, I stay real sad inside, jalike I goin mahke. Try no sleep—stay ova hea wit me.”

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

1 Samuel 30:6

David get trouble big time. All da guys stay piss off an huhu inside cuz a dea boys an girls. Dey start fo talk fo throw big rocks at David fo kill um. But David stay tight wit Da One In Charge, his God, an he stay strong inside still yet.