Songs 42:2 - Hawaii Pidgin Bible

² Inside, I tink lidis: “I like see da God dat stay alive, Jalike I stay thirsty fo see him! I like know wen I can go by him Fo stan in front him!”

Songs 42:2 ပူးပေါင်းရင်းမြစ်များ

Job 23:3

I like know wea fo find God, but I no can find him! I like go his place!

Songs 27:4

Ony get one ting I like tell Da One In Charge fo do fo me. Dass da ony ting I stay wait fo: I like stay inside Da One In Charge house Till I mahke! I like hang out inside his Temple an feel good inside dea Fo see how Da One In Charge all da time make good to peopo!

Songs 43:4

Den I goin go by da altar Fo make one sacrifice fo you, God. You God! Wen I tink bout you, I stay real good inside! Dass why I goin sing good tings Bout you wit my harp. Eh God! You da God fo me!

Songs 63:1

Eh God! You da God fo me! I stay look fo you. Me, I go all out fo find you, Jalike I go find watta wen I thirsty! I desperate fo see you, My body come weak, Till I find you! Jalike I stay one place Wea no mo rain an erybody tired Cuz no mo watta ova dea.

Songs 63:3

You stay tight wit me cuz I yoa guy. Mo betta I live lidat, Den jus stay alive. I goin tell Dat you da bestes!

Songs 84:10

Eh God! Mo betta I stay one day Inside da open lanai fo yoa Temple Den stay tousan day odda place! Me, I like be one security guard Dat stan by yoa gate, Mo den I like live wit da peopo Dat stay do bad tings!

Songs 84:2

Me, I excited fo go inside da open lanai Aroun da Temple Fo Da One In Charge! I like go dea, mo den I can handle. I goin sing fo da God Dat Stay Alive Cuz I stay real good inside! I goin all out fo yell fo him!

Songs 84:4

Erybody dat come God house all da time, Dey can stay good inside! Dey erytime tell how good him. (Time out fo da music.)

Songs 84:7

Dey stay come mo an mo strong. All a dem goin show up in front God, Jerusalem side.

Outa Egypt 23:17

Three time ery year, all da men guys gotta come togedda in front me da Boss. I Da One In Charge.

Isaiah 26:8

Da One In Charge, fo shua us guys like live Da way you show us fo us stay wait Fo find out how you goin judge peopo. Da ting us fo real kine like fo erybody know, Is wat kine god you, an no foget you.

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.

Jeremiah 2:13

“My peopo wen do two real bad tings: Numba one, dey wen bag from me, No matta I jalike one watta spring Wea da watta come out all da time An make peopo come alive. Numba two, dey go wit odda gods, dass good fo notting. Jalike dey dig big holes fo hold watta, But no can hold da watta!

Daniel 6:26

“Dis da rule: All ova da land wea I stay king, erybody gotta come sked an shaking in front Daniel God an get respeck fo him. “He da God dat stay alive. He live foeva. No mo nobody can wipe out Da peopo wea he stay da king. He goin stay in charge foeva.

John 5:26

Jalike my Faddah, he can make da peopo come alive fo real kine, same ting, cuz I his Boy he give me da powa fo make um come alive too.

John 7:37

On da las day a da spesho religious kine ceremony, dass da main day, Jesus stan up, an talk real loud. He tell, “Whoeva stay thirsty, let um come by me fo drink.

1 Tessalonika 1:9

All dose peopo stay tell dat you guys wen tell, “E komo mai! Go come stay oua house!” wen we wen go by you guys firs time. Dey tell dat you guys wen throw out da idol kine gods an trus da God dat stay alive. He stay fo real, an you work fo him.

Joshua 3:10

Dis how you guys goin know dat da God dat stay alive, he stay wit you guys. An he goin take away da land from all da peopo dat stay inside da land, wen dey face you guys! He goin make da land come yoa property! Az da Canaan peopo, da Het peopo, da Hiv peopo, da Periz peopo, da Girgash peopo, da Amor peopo, an da Jebus peopo.

Jesus Show 22:1

Den da angel guy show me da riva wit da watta dat make peopo come alive fo real kine. You can see thru da riva, jalike crystal. Da riva go from da throne wea God an God Bebe Sheep Guy stay,