Songs 41:5 - Hawaii Pidgin Bible

⁵ Da guys dat stay agains me talk bad bout me. Dey tell: “We like him mahke! We like his name get wipe out An erybody foget who him!”

Songs 41:5 ပူးပေါင်းရင်းမြစ်များ

Job 18:17

Nobody in da world rememba dem. Erybody foget wat kine guys dey was.

Job 20:7

Dey goin come wipe out foeva, jalike da doodoo dey make. Da peopo dat see dem befo time goin tell, ‘Wea dey stay?’

Songs 102:8

All da time, Da peopo dat stay agains me, Dey talk bad stuff bout me. Da peopo dat make fun a me, Wen dey put kahuna on top somebody, Dey use my name. Dey use um fo make da odda guy Get da same kine trouble jalike me.

Songs 38:12

Same time, da guys dat stay agains me Put up one trap fo catch me. Dey make one plan fo wipe me out. All day, dey figga how fo bulai me Fo kill me.

Songs 51:3

I know fo shua I wen go agains you, Ova an ova, I tink plenny Bout da bad ting I wen do.

Songs 51:6

Fo shua you feel good wen I tell da trut, Even bout da secret kine tings Dat nobody but me know. So help me know fo real kine Wat I gotta do Bout da stuff I stay hide.

Songs 56:2

Da ones dat talk bad bout me Put plenny presha on top me all day. Get plenny high makamaka peopo Stay attack me.

Songs 57:2

I yell to God fo help me, Da God Dass Mo Importan Den All Da Odda Gods, Da God dat know wat he like me fo do, An he goin make um fo me do um.

Songs 67:2

Wen you do dat, Peopo all ova da world Goin find out da way you do tings, An all da nations goin know Dat you get um outa trouble.

Songs 86:16

So, try look wea I stay, An make nice to me, No matta you no gotta make lidat. I yoa worka guy, so give me yoa powa. I wen born fo work fo you, So get me outa trouble.

Songs 86:3

You my Boss, so make good to me, Cuz all da time I stay yell Fo you help me.

Smart Guys 10:7

Wen you rememba all da good peopo Dat you know from long time, Make you feel good inside. But da bad peopo, dey get pilau name So you no like even tink bout dem.