Songs 41:12 - Hawaii Pidgin Bible

¹² You hold me up so I no fall down Cuz I stay all pono inside. Az why you goin let me stan In front you foeva.

Songs 41:12 ပူးပေါင်းရင်းမြစ်များ

Job 36:7

God no hold back from watch Fo da peopo dat do da right kine stuff Fo proteck dem. He put dem on top thrones jalike dey kings foeva, An make dem come real importan.

Songs 16:11

You, you erytime show me Da way fo live fo real kine. Wen I stay wit you, I stay good inside to da max. Az nice, cuz I live nea you all da time!

Songs 17:15

But me, I goin see you fo real kine Cuz I get um right wit you. Bumbye, wen I wake up, I goin see you right dea wit me, An dass goin be enuff fo me!

Songs 25:21

Eh God! Watch ova me, So dat notting bad happen to me! Cuz I no bulai, an I do wass right! I stay wait fo you Fo do someting good.

Songs 30:2

Eh! You Da One In Charge! You da God fo me. I wen yell fo you help me, An you wen help my body Come good one mo time.

Songs 34:15

Da One In Charge, he keep track A da peopo dat erytime do wass right Fo take kea dem. He lissen dem Wen dey yell to him.

Songs 37:17

Cuz Da One In Charge, He goin broke da bad guys arms, But he goin help da guys Dat do wass right.

Songs 63:8

Me, I stay tight wit you. You hold me up so I no fall down.

Songs 94:18

Weneva I tink, “I no can stan up!” You stay right dea, Da One In Charge, An you no let me fall down!

John 17:24

“Faddah, I like erybody dat you wen give me come by me wea I goin stay, cuz I like dem see how awesome I stay. Cuz you get love an aloha fo me, an you wen make me awesome befo us make da world.