Songs 41:10 - Hawaii Pidgin Bible

¹⁰ But you, Da One In Charge, I like you do good tings fo me An get me up outa da bed Fo me pay back dose peopo Fo wat dey wen do.

Songs 41:10 ပူးပေါင်းရင်းမြစ်များ

2 Samuel 15:12

Wen Absalom make one sacrifice, he sen somebody fo go bring Ahitofel. (Ahitofel, he da guy from Giloh dat help David figga wass da bestes ting fo David do.) Absalom tell Ahitofel fo come Hebron side from his town Giloh. An so da plan Absalom make fo ovathrow da govmen come mo strong, an mo an mo peopo stay go his side.

Job 19:19

All da guys I wen trus wen we talk befo time, Dey tink I pilau. Da peopo dat I love turn agains me.

Songs 3:3

Eh! You Da One In Charge! You, jalike one shield aroun me, Dat no let me get hurt. You da one dat make me come awesome You put me back on top my throne.

Songs 55:13

But you know wat I like tell dat kine guy?! You da guy dass da problem! Me an you, us wen stay tight befo time! You was da one I tell Bout eryting I tink. You was my good fren dat time!

Songs 55:14

Was good wen me an you Wen hang togedda. Plenny time we wen go God House Wit all da odda peopo.

Songs 57:1

Eh God! Do good tings fo me! Do good tings! Cuz wen I aks you fo take kea a me, Den, nobody can hurt me. I like you take kea me, Jalike da muddah bird Put da bebe birds unda her wing Fo nobody hurt dem. I goin stay by you fo nobody hurt me, Till all dis stuff pau, Dat can wipe me out Jalike one storm.

Jeremiah 20:10

I hear plenny guys talk sof kine, Dey tell, “Dis Jeremiah, da ‘stay real sked’ guy— We go tell on him.” Even all my frenz stay wait fo me fo tell someting wrong. Dey tell, “Maybe us guys can trick Jeremiah! Den we can win, an get back at him!”

Obadiah 1:7

All da nations dat wen help you guys Goin trick you guys an push you outa yoa land! Da ones dat get good rep wit you Goin bulai you an win ova you. Yoa frenz you stay tight wit Get plan fo put one trap wea you goin step. But you guys no goin know dat!”

Luke 19:27

Da guys dat stay agains me an no like me fo come dea king—bring um ova hea, an kill um in front me.’ ”