Songs 41:1 - Hawaii Pidgin Bible

¹ Whoeva tink plenny Bout how fo help da peopo Dat no mo notting, Dey can stay good inside! Da One In Charge, goin help dem Wen bad tings happen to dem!

Songs 41:1 ပူးပေါင်းရင်းမြစ်များ

Songs 112:9

Da good kine peopo Stay give good kine stuff To da pooa peopo all ova da place. An cuz dey do da right ting erytime, Good tings goin happen to dem foeva. Peopo goin respeck dem, An cuz a dat, dey goin come Mo an mo strong.

Songs 34:19

Get plenny bad tings happen To da peopo dat stay do da right ting. But Da One In Charge Goin get um outa all dat.

Songs 37:19

Wen eryting stay bad, Dey no goin come shame. Wen no mo notting fo eat, Dey goin get plenny fo eat.

Songs 37:26

Da peopo dat do da right ting, Dey erytime get one good heart Fo lend stuff to peopo. Peopo tell, “Wen God wen give kids To dose good guys, Was good wat he wen do fo dem!”

Smart Guys 14:21

Wen peopo no mo respeck fo da odda guy, Az wrong, But wen you kokua peopo dat no mo notting, You can stay good inside!

Smart Guys 16:14

Wen da king come huhu, Az jalike he stay sen messenja guys Fo tell you, you gotta mahke. But if you da kine guy dat know wat fo do erytime, You goin make da king come so notting bodda him.

Smart Guys 19:17

You do good kine stuff Fo da peopo dat no mo notting, Jalike you stay lend stuff to Da One In Charge. An Da One In Charge goin pay you back wit good kine stuff Fo wat you do.

Teacha 12:1

So all da time you stay young, No foget da One dat wen make you— Tink bout him befo da time come Wen you come ol an get trouble, An befo da time you figga, “No mo notting make me feel good inside no moa!”

Jeremiah 39:17

But me, Da One In Charge, I tell dis: Wen dat happen, fo shua I goin get you outa dea! I no goin turn you ova to da guys dat you stay sked of.

Mark 14:7

Erytime goin get peopo dat no mo notting stay wit you guys, an you can help dem weneva you like. But I no goin stay wit you guys erytime.

Jesus Guys 20:35

I do all dat fo show you guys dat by dis hard work, we gotta help da guys dat no stay strong inside. I no foget wat Da One In Charge, Jesus, wen tell, ‘Da guy dat give, he stay mo betta inside den da guy dat get.’ ”

Galatia 2:10

Get ony one ting dey like us fo do: no foget fo kokua da pooa peopo. You know I awready go all out fo do dat.

1 Tessalonika 5:14

My braddahs an sistahs, we beg you guys fo do dis: Da guys dat no like work, tell um dey betta work. Da guys dat tink dey nobody, give um good kine words. Kokua da guys dat not strong inside. Hang in dea wit erybody, an no get huhu.

Hebrews 6:10

God, he erytime do da right ting. Az why he no goin foget how plenny you guys wen work fo him, an how you guys wen show him love an aloha cuz you know who him. An you guys wen kokua God spesho peopo, an still yet you guys stay kokua dem.

James 2:13

Da guy dat make jalike one judge fo da odda peopo, an no give um chance, dat guy no goin get chance wen he stan in front God da Judge. But wen you give da odda guy chance, den no need fo God judge you, an dass mo betta.

Jesus Show 3:10

You guys wen do wat I tell you fo do, an hang in dea an no give up. Az why I goin take kea you guys wen da big presha come, da kine presha dass goin come on top da whole world fo check out erybody dat stay down hea.’

Ruth 2:19

Naomi aks Ruth, “Eh! Wea you wen pick up da extra barley today? Wat side you wen go work? I like Da One In Charge do plenny good tings fo da guy dat wen see you an help you!” So Ruth tell her muddah-in-law bout da owna guy wea she wen pick up da barley. She tell um, “His name, Boaz.”