Songs 40:6 - Hawaii Pidgin Bible

⁶ Sacrifices an gifs, Az not da main ting Fo make you come good inside— You, Da One In Charge! You neva tell I gotta make Burn up kine sacrifices fo you, O da kine sacrifices Fo hemo da shame Fo da bad tings I wen do. But you wen give me my ears fo lissen. If I lissen wat you tell, an I do um, Fo shua, dat make you Come good inside!

Songs 40:6 ပူးပေါင်းရင်းမြစ်များ

Job 33:16

Dass wen God tell peopo stuff dey donno. Dass how he make shua dey no foget how he tell dem fo watch out.

Job 5:9

God do awesome kine stuff dat nobody can tink. He do unreal kine stuff, mo den can count.

Songs 139:17

Eh God! Az real deep, Da way you tink bout me! Da stuff you tink bout me, No can count!

Songs 139:18

Wen I try fo count um, Dey mo plenny den da sand On top da beach! Still yet, erytime I wake up, You stay right dea wit me!

Songs 50:8

But wen I tell you guys you do wrong, I no talk bout da sacrifices you make. You guys kill animals fo me An burn um up on top da altar All da time.

Songs 51:16

Fo make you stay good inside, Da sacrifices I make Not da main ting! Jus cuz I make One burn up kine sacrifice, Dat no make you feel good Bout me, you know!

Songs 71:15

I goin tell da story bout how You stay do da right ting erytime. I goin talk all day bout How you get peopo outa trouble, No matta I ony know litto bit Wat you do!

Outa Egypt 21:6

den da slave owna guy gotta take da slave guy in front God. Da slave owna guy put da slave guy by da door, an take one spike an push um thru da bottom a his ear lobe in da door, den take out da spike. Den da slave guy goin stay one slave wit da owna guy till he mahke.

Isaiah 1:11

Da One In Charge tell dis: “You tink I need Da plenny sacrifices you guys make?! No way! I get mo den plenny boy kine sheeps Dey can burn up fo make sacrifice, An da fat stuff from da bestes animals. I no need da blood from da bulls An da bebe sheeps an da boy goats. Dat no make me feel good inside.

Isaiah 25:1

Da One In Charge, you my God! I goin tell dat you da greates, I goin tell peopo I know wat good kine god you! Cuz you wen do awesome kine tings Wen you make one plan from long time befo, An us guys can trus you fo dat, An we know you tell da trut.

Isaiah 66:3

But da odda kine guys, Dey do wat dey goin do, An feel real good inside Wen dey stay do dat kine pilau stuff. Wit dem, wen dey kill one cow fo make sacrifice, Az bad, cuz az jalike dey wen kill one guy. Wen dey kill one bebe sheep fo make sacrifice, Az bad, cuz az jalike dey wen broke one dog neck. Wen dey give one wheat offering, Az bad, cuz az jalike dey wen give pig blood fo make sacrifice. Wen dey burn incense fo God no foget dem, Az bad, cuz az jalike dey stay talk good bout dea idol kine god.

Hosea 6:6

Cuz make me feel good, Wen you guys stay tight wit me, Mo den wen you jus make sacrifice. Make me feel good, Mo den wen you jus make one burn up kine sacrifice Wen you guys know dat I God.

Amos 5:22

No matta you guys bring animals Fo kill um an burn um up fo make one sacrifice fo me, No matta you guys bring wheat fo make one present Fo show you get respeck fo me, I tell ‘Laytas’ to dat! Wen you guys kill da fat cow fo make da sacrifice, Still yet, I tell ‘Laytas’ to dat.

Matthew 12:7

Da Bible tell, ‘I like my peopo make good to each odda an give each odda chance. Dat mo betta den jus make one sacrifice inside da temple.’ If you guys wen know wat dis mean, den you guys no tell dey wen broke da Rules From God, cuz dey neva.

Matthew 9:13

Go figga wat Hosea, da guy dat talk fo God, wen tell befo time, ‘I like my peopo give chance to each odda. Dat mo betta den jus make one sacrifice inside da temple.’ Dass wat God tell. But me, I neva come fo tell da guys dat erytime do wat God tell um fo do, fo come my guys, but I wen come fo da peopo dat get one bad rep.”

1 Samuel 15:22

But Samuel tell: “You tink dat Da One In Charge feel mo good inside Wen you make all da diffren kine sacrifice, O wen you lissen him?! Wen you lissen, dass mo betta Den wen you make one sacrifice! Mo betta wen you find out wat God like, Den, kill da sheep!