Songs 40:4 - Hawaii Pidgin Bible

⁴ Da peopo dat trus Da One In Charge, Dey stay good inside. Dey no need aks fo help From da peopo dat ack big head, O dat lissen to da bulaia guys.

Songs 40:4 ပူးပေါင်းရင်းမြစ်များ

Songs 119:21

Da peopo dat ack Jalike dey mo betta den you. You tell um awready dey wrong. Da ones dat no do wat you tell um fo do, Dey goin get kahuna on top dem Cuz a dat.

Songs 125:5

Da peopo dat go da wrong way An do crooked kine stuff, I like fo Da One In Charge Throw dem out, Same time he kick out da odda peopo Dat do bad kine stuff. But fo da Israel peopo, I like eryting go good fo dem!

Songs 15:4

Dey tink az bad Wen peopo do stuff dat God tell no good. Dey get respeck Fo da peopo dat stay sked a Da One In Charge. Dey stick erytime Wit wat dey wen promise in front God, No matta someting bad happen to dem cuz a dat.

Songs 2:12

Go down in front da king An show respeck. Cuz if you guys no like do dis, Watch out! Cuz if you make him come huhu Even litto bit, Right den an dea, you guys Goin come wipe out, Cuz he come huhu real quick! But all da peopo dat let God Take kea dem, Dey stay good inside.

Songs 33:3

Sing one new song to him. Play um good, an yell Cuz you stay good inside!

Songs 34:8

Go check out Da One In Charge! You, find out fo real kine How good he stay! Anybody dat let Da One In Charge Hide dem from trouble, Dey stay good inside!

Songs 71:6

Was you dat take kea me Even befo I born, You da one wen born me Outa my muddah. You da one I tell Good tings bout, foeva.

Jonah 2:8

Whoeva go down in front Da good fo notting idol kine gods, Dey no like stay tight wit you. An dey tell ‘Laytas!’ fo you stay tight wit dem.