Songs 40:2 - Hawaii Pidgin Bible

² He wen pull me up Jalike he pull me outa one big hole Wea I litto mo mahke. He pull me outa dea, Jalike outa da sticky mud Fo make me stan on top one big rock Fo me walk an no fall down.

Songs 40:2 ပူးပေါင်းရင်းမြစ်များ

Songs 116:3

Befo time I feel litto mo I goin mahke, Jalike get tight ropes Stay wrap aroun me. I wen feel jalike da Mahke Peopo Place Come on top me awready. I wen had it, cuz plenny trouble Come to me. An me, I stay sad inside.

Songs 119:133

Make shua wen I walk, I no fall down, Jalike you wen make One promise fo do. No let da bad kine peopo take ova me.

Songs 143:3

Da peopo dat stay agains me, Dey chase afta me, Dey poun me on top da groun Fo kill me. Dey put me inside dark places, Jalike da peopo Dat stay mahke long time.

Songs 17:5

Ery place I go, I go jalike how you like me fo go. No way I goin trip an fall down.

Songs 18:36

Jalike you wen make one wide place fo me walk. Dass why my ankle stay strong an I no wipe out.

Songs 18:7

Den da groun wen shake cuz a da earthquake, Undaneat da mountains da foundation stay shake! Da foundation wen move one side to da odda side, Cuz God come huhu!

Songs 27:5

Da One In Charge, weneva get hard time, He goin put me inside his place fo nobody hurt me. He goin let me stay inside his tent Fo nobody find me. He goin put me up high on top one big rock Fo nobody reach me.

Songs 37:23

Wen Da One In Charge change somebody Fo dem come solid, Da One In Charge stay good inside Cuz a how da guy ack.

Songs 61:2

From da mos far place on top dis earth I yell fo you help me Weneva I feel all bum out An weak inside. Show me wea fo go Fo hide on top one big rock Dat stay mo importan den me,

Songs 69:2

Jalike I go deep down inside da mud An no mo place Fo me stan up down dea! Jalike I stay inside one stream Full a watta An da watta go up An cova my head!

Songs 71:20

No matta you wen make me go Thru plenny bad kine trouble, You goin make me come back alive. You goin bring me back up No matta I stay almos inside da grave.

Songs 86:13

Cuz you stay real tight wit me. You even make um Fo me no gotta go da mos deep part A da Mahke Peopo Place!

Isaiah 24:22

He goin bring dem togedda An put um inside one prison, Jalike dey prisonas all tie up inside one hole. He goin lock um up dea, jalike inside one prison. Afta long time, den he goin punish dem.

Zekariah 9:11

An you guys, I get one deal wit you guys awready. You guys wen kill one sacrifice animal fo make da deal good wit da blood, Az why I goin let yoa prisona guys go From da real deep hole dat no mo watta inside.

Matthew 13:50

Dey goin throw da bad guys inside wea ony get fire. Dea dey goin cry real hard an grind dea teet cuz dey real huhu an futless.”

Jesus Guys 2:24

But God make him come back alive one mo time from mahke. He no need suffa an mahke one mo time, cuz a wat God wen do. He no can stay mahke cuz he mo strong.