Songs 40:17 - Hawaii Pidgin Bible

¹⁷ But me, I no mo notting. I ony get hard time. I like you, my Boss, tink bout me! Cuz eh! You my helpa! You my God! No wait! No take long time, aah?!

Songs 40:17 ပူးပေါင်းရင်းမြစ်များ

Songs 70:5

But me, pooa ting, I no mo notting! I ony get hard time. Eh God! Do someting fo me, right now! Cuz you da one dat help me, An make shua I get outa trouble. You, you Da One In Charge! No make me wait long time!

Isaiah 41:17

“Da peopo dat get hard time An need somebody fo help dem, Dey look fo watta, but no moa. Dea tongue all dry up Cuz dey thirsty. But me, Da One In Charge, I goin do someting fo help dem. Me, da God fo da Israel peopo, I no goin go way an leave um!

Hebrews 13:6

Az why us guys can come strong, jalike da Bible tell: “Da One In Charge, he da One dat help me wen I need him. Az why I no goin come sked. Da peopo, dey no can do notting fo hurt me!”

Songs 34:6

Me, I ony one guy dat no mo notting. I wen yell fo somebody help me. Da One In Charge, he wen hear me! He wen get me outa all kine trouble!

1 Peter 5:7

Let God take kea all da stuff dat bodda you guys cuz he get one big heart fo you guys.

Songs 54:4

But God! you da one dat stay help me. You da Boss dat hold me up Fo me no fall down an mahke.

Songs 40:5

Eh! You Da One In Charge! You my God, An you do plenny awesome kine stuff! You do awesome kine tings fo us guys! Da tings you plan fo do, Az good fo us guys! No mo nobody jalike you! I like tell peopo wat you do, But get uku plenny stuff fo tell, No can tell eryting!

James 2:5

Eh, my good frenz! Lissen! Get peopo inside dis world, an odda peopo tink dey notting, jus cuz dey pooa peopo. But dass da ones dat God pick fo come his peopo, aah? So dey trus him plenny, jalike dey rich inside. Cuz God da King, an dey jalike his kids. He goin give dem all da good kine stuff dat he promise awready to all da peopo dat get love an aloha fo him.

Songs 86:1

Eh! You Da One In Charge! Lissen real good, Cuz I goin pray to you. Do wat I stay aks you fo do! Cuz I no mo notting, An I get real hard time.

Songs 69:33

Cuz Da One In Charge, Him da kine God stay lissen To da peopo dat no mo notting. Even wen his peopo stay prisonas, He no make to dem jalike dey junk.

Jesus Show 22:20

Da One dat tell all dis stuff tell, “Yeah, I goin come back real quick!” Yeah, You Da One In Charge! Go come back real quick, Jesus!

1 Peter 2:23

Wen dey tell any kine to him, he neva ansa back. Wen he suffa, he neva tell he goin pay um back. But he let God da Judge take kea all dat cuz he know God do da right ting.

2 Corint 8:9

You guys know dat Da One In Charge a us guys, Jesus Christ, wen do plenny good tings fo you guys. Befo time he was rich, but he wen come pooa fo help you guys fo come rich.

Matthew 8:20

Jesus tell him, “Da foxes get hole fo house, an da birds in da sky get nes. But me, da Fo Real Kine Guy, I no mo house fo lay down.”

Songs 109:22

Cuz me, I no mo notting, An I stay sad inside. Inside, jalike I stay all bus up.

Songs 34:4

I wen try fo come close To Da One In Charge, An he let me. He wen get me outa eryting Dat make me come real sked.

Songs 35:27

Da peopo dat stay good inside Wen da judge tell I okay, I like dem yell Cuz dey feel good inside. I like dem tell erytime, “Da One In Charge, he awesome! Wen eryting go okay fo da guys dat stay work fo him, He stay plenny good inside!”

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.