Songs 40:11 - Hawaii Pidgin Bible

¹¹ Eh! You Da One In Charge! No hold back bumbye Fo do da tings dat show You get love an aloha fo me. Try make shua Notting bad happen to me, Cuz you stay tight wit yoa peopo, An you tell da trut.

Songs 40:11 ပူးပေါင်းရင်းမြစ်များ

Songs 23:6

Fo shua, you goin do good tings fo me, An stay tight wit me cuz I yoa guy, Ery day I live. An I goin live foeva Da house wea you live, Da One In Charge.

Songs 43:3

Shine yoa light fo show wass true, Fo me know wea fo go. Dass how I goin go by Zion Hill Dat stay spesho fo you, Cuz dass da place you live.

Songs 57:3

I like fo God reach down from da sky Fo get me outa trouble. If somebody like make any kine to me, I like God make um come shame. (Time out fo da music.) I like fo God stay tight wit me Cuz I his guy An he erytime do Wat he tell he goin do.

Songs 61:7

I like fo da king Stay king foeva in front God! I like fo God make shua Notting bad goin happen to him. I like God stay tight wit him, An erytime do wat he tell he goin do.

Songs 69:13

But me, I stay pray to you, Da One In Charge. Wen da right time come, God, Do wat I aks you fo do, Cuz you stay tight wit yoa peopo Big time, An I can trus you Fo get me outa trouble!

Songs 69:16

Eh! You Da One In Charge! Do someting fo help me! Cuz az good, How you stay tight wit yoa peopo. Turn aroun an look at me, Cuz you get plenny pity Fo do stuff fo me.

Songs 85:10

God, he erytime stay tight wit his peopo, An same time, His peopo erytime like do Wat he trus dem fo do! God, he erytime judge da right way, An same time, eryting come pono Fo his peopo!

Songs 89:2

Dis wat I tell: “Get one ting stay shua: You stay tight wit yoa peopo foeva. An get anodda ting Dat stay solid inside da sky: You erytime do Wat you tell you goin do.”

Smart Guys 20:28

Wen one king stay tight wit his peopo An dey know dey can trus him, Den da king know fo shua No mo notting bad goin happen to him. Cuz he know da peopo stay tight wit him, Dass wat make da peopo like Fo him be dea leada, long time.

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.