Songs 4:8 - Hawaii Pidgin Bible

⁸ I know fo shua I can lay down an go sleep, An eryting goin go good fo me. Az cuz you, Da One In Charge, you da ony one Dat make me live So dat notting bad goin happen to me.

Songs 4:8 ပူးပေါင်းရင်းမြစ်များ

Songs 16:11

You, you erytime show me Da way fo live fo real kine. Wen I stay wit you, I stay good inside to da max. Az nice, cuz I live nea you all da time!

Songs 3:5

I wen lay down an go sleep, An nex morning I wake up, Cuz Da One In Charge, He take kea me.

Smart Guys 3:24

Wen you lay down, you no goin come sked, An wen you go sleep, you goin sleep real good.

Isaiah 9:2

Da peopo dat donno wat fo do, Jalike dey stay walk aroun inside one dark place, Dey goin know wat fo do, Cuz jalike dey see one big light. Da peopo dat live inside da place Wea erybody stay sked dey goin mahke, Da light stay come dea awready.

Ezekiel 34:25

“ ‘I goin make one deal fo my peopo fo make shua eryting stay okay fo dem. An I goin wipe out all da wild animals from da land fo da peopo live inside da boonies an sleep in da fores, an notting goin hurt dem.

Hosea 2:18

Dat time I goin make one deal Wit da wild animals inside da fields, Da birds inside da sky, An da small animals dat move aroun on top da groun. I goin take away da bows an arrows, da swords, an wars from da land. Den erybody can live an no mo notting goin hurt dem.

Prieses 26:5

You guys goin stay shake da barley an wheat from da junk kine stuffs till time fo harves grape. An den da grape plants goin give fruit, till time fo plant seed one mo time. You guys goin eat all da food you like, an you goin stay shua you no need worry notting inside yoa land.

Rules Secon Time 12:10

But you guys goin go da odda side a da Jordan Riva an live inside da land dat God, Da One In Charge, stay give you guys cuz you his kids. Ova dea, Da One In Charge goin let you guys res from fight da peopo all aroun you guys dat stay agains you. You guys goin live ova dea, an no need worry somebody goin hurt you guys.

Jesus Show 14:13

Den I hear one voice from da sky tell, “Write dis: From now, erybody dat stay tight wit Da One In Charge till dey mahke, he goin do good tings fo dem.” God Spirit tell, “Yeah! Dey goin res from all dea hard work, an erybody goin know da good stuff dey wen do.”