Songs 4:7 - Hawaii Pidgin Bible

⁷ You make me stay good inside wen you smile nice kine, Mo betta den peopo stay inside, Wen dea fields get plenny wheat an plenny grape.

Songs 4:7 ပူးပေါင်းရင်းမြစ်များ

Songs 31:17

Eh! You Da One In Charge! No let notting happen Fo make me come shame! You da one I stay yelling to Fo help me. Da peopo dat stay do wass not right, Dey da ones goin come shame. Dey goin go da Mahke Peopo Place An dey no can tell notting.

Songs 37:4

Stay good inside Bout wat Da One In Charge stay do, Den he goin give you Eryting you like.

Songs 43:4

Den I goin go by da altar Fo make one sacrifice fo you, God. You God! Wen I tink bout you, I stay real good inside! Dass why I goin sing good tings Bout you wit my harp. Eh God! You da God fo me!

Songs 67:2

Wen you do dat, Peopo all ova da world Goin find out da way you do tings, An all da nations goin know Dat you get um outa trouble.

Songs 80:4

Da One In Charge, You da God Ova All Da Armies! How long you goin stay huhu An no lissen wen yoa peopo Pray to you?!

Songs 92:4

Cuz Da One In Charge, You make me stay good inside Cuz a da tings you do awready. I like sing real loud cuz I feel real good, Erytime I tink bout da tings you do Cuz a yoa powa.

Love Song 1:4

Take me away wit you! Hurry up! Us go! Eh! You my king guy! Bring me inside da bedroom! Us guys like dance an sing cuz a you! We stay real good inside! Us goin talk good bout how you guys make love togedda now, Mo den we talk good bout da wine. So az right, fo dem get plenny love an aloha fo you!

Isaiah 9:3

God, you goin make da Israel peopo come mo plenny peopo. You goin make da peopo come real good inside. Dey goin dance an sing in front you, Jalike wen da peopo harves da food inside dea fields An dey stay good inside, An jalike wen da army guys steal rich stuffs from da guys dey wen fight, An give dea frenz some a da stuff, Dey all stay good inside.

Jeremiah 48:33

No mo nobody get good fun O stay good inside, In da places wea get fruit trees Inside da Moab land. I no let nobody step da grapes An yell cuz dey stay good inside Fo make da wine. If you hear um stay yelling, Az not cuz dey stay good inside.

Census 6:25

Da One In Charge goin smile an show he stay good inside bout you, An do plenny good kine stuff fo you.

Jesus Guys 14:17

But he show dem who him cuz he do good stuff fo dem. He give you guys rain from da sky an plenny fruit fo harves time. He give you guys plenny food fo eat an make you guys come real good inside.’ ”

1 Peter 1:8

No matta you guys neva see Jesus, still yet you get love an aloha fo him. You guys still no can see him, but still yet you guys trus him. You guys feel real good inside, mo plenny den you can tell.

Local Leadas 9:27

Wen harves time come, da Shekem guys all go out inside dea fields, an bring in da grapes, an step um fo make wine. Den dey make one big party inside da temple fo dea god. Wen dey stay eat an drink, dey put plenny kahuna on top Abimelek.