Songs 4:4 - Hawaii Pidgin Bible

⁴ So, good you guys stay sked an shaking, Cuz den you no goin do bad kine stuff. Go lay down on top yoa bed, An tink plenny bout all dis, An shut yoa mout. (Time out fo da music.)

Songs 4:4 ပူးပေါင်းရင်းမြစ်များ

Job 28:28

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

Songs 119:161

Get importan peopo dat come afta me, No matta I neva do notting bad. But da ting dat make me sked An shaking inside, Dass da tings you tell!

Songs 17:6

Eh God, lissen me! I yelling to you fo help Cuz I know you goin do someting. Try lissen real good! An hear wat I tell!

Songs 2:11

Work fo Da One In Charge, Real serious kine! Stay sore inside, stay sked an shaking!

Songs 3:2

Plenny peopo tell dis bout me: “No way God goin get dat guy Outa trouble!” (Time out fo da music.)

Songs 3:4

I wen yell to Da One In Charge Fo help me. He hear me up dea On top da mountain Dat stay spesho fo him, An he help me. (Time out fo da music.)

Songs 33:8

Erybody dat live inside da world, Show respeck fo Da One In Charge! All you peopo dat stay live dea, Stay sked a him!

Songs 46:10

He tell: “No fight! No foget dis: Me God! All da diffren nations goin know Dat I da main one. All ova da world Dey goin know dis!”

Songs 63:6

Wen I lay down on top my bed, I tink bout you. I tink plenny how you stay.

Songs 77:6

I no foget how befo time I wen sing, nite time. I tink real plenny, An inside, I tink “Wassup?”

Smart Guys 16:17

Da peopo dat stay do wass right, Dey no do bad kine stuff. Jalike dey walk on top one road An go aroun so dey no go by one bad place. Whoeva stay watch how he live He take good kea his life.

Smart Guys 16:6

Wen you stay real tight wit peopo, An you da kine guy dey can trus, Fo shua, peopo goin know Dat God let you go awready Fo da tings you wen do agains him. Wen you stay sked a Da One In Charge, Fo shua, you goin change An no do bad kine stuff no moa.

Smart Guys 3:7

“No get big head cuz you tink you real smart An know wat fo do erytime. Mo betta you stay sked a Da One In Charge, Fo stay away from bad kine stuff.

Jeremiah 5:22

Da One In Charge tell, “I da One you guys betta watch out! You betta come sked a me! Wen you stay in front me, You guys goin shake cuz you sked! I wen put da sand by da sea edge. Da sand make da ocean stay dea foeva. Da waves come in an go out, An dey no can do notting. Da wave make big noise, But dey no goin go ova da sand.

Habakkuk 2:20

But Da One In Charge, he stay inside da Temple dat stay spesho fo him. Shhh! Eryting on top da earth gotta stay quiet in front him.”

2 Corint 13:5

Look inside you fo make shua you guys trus Christ fo real kine. Check out real good how you stay. You guys donno dat Jesus Christ stay tight wit you guys, o wat? If he no stay tight wit you guys, den you not his guys. But dass not how stay fo you guys! Dass da tes, you know!

Efesus 4:26

If you guys huhu, no do bad kine stuff cuz a dat. No stay huhu. No good da sun go down an you guys still yet stay huhu, you know.