Songs 39:5 - Hawaii Pidgin Bible

⁵ Fo shua, you give me Ony litto bit mo time. Da time from wen I born till I mahke, Jalike notting da way you see um. But erybody dat stay live, Dey ony goin breave short time. (Time out fo da music.)

Songs 39:5 ပူးပေါင်းရင်းမြစ်များ

Start 47:9

Jacob tell Pharaoh, “Hundred thirty year I stay inside dis world. Not plenny, da years I get, an dey hard. But my ancesta guys, dey wen get plenny mo year den me, wen dey stay hea inside dis world.”

2 Samuel 19:34

But Barzillai tell da king, “I donno how plenny mo year I goin stay alive fo go Jerusalem wit you, da king, aah?

Job 7:6

“My days go mo fas den da stick da weava guys use. My time pau, an no mo notting fo me wait fo.

Songs 144:4

Us peopo ony stay hea short time, Jalike one breat us guys breave, O jalike us one shadow Dat pass by fas.

Songs 39:11

Erytime you punish somebody Cuz dey wen do wass wrong, You take away eryting dey like, Jalike wen da moth eat da clotheses. Da peopo, jalike dey breave one time, Den dey gone awready! (Time out fo da music.)

Songs 62:9

Da peopo dat not importan, Dey jalike da air. Da importan peopo, No can trus wat dey tell you. Wen dey breave, dat air mo heavy Den all dose peopo togedda.

Songs 89:47

Try tink bout me. Real short, da time I get fo live! You tink ony wase time You wen make peopo, o wat?!

Songs 90:12

So den, help us guys fo know How much time we get fo real kine. Dass how we goin come mo smart Fo know wat fo do erytime.

Teacha 1:2

Da Teacha tell, “No make sense! No make sense! Fo shua eryting no make sense! No mo notting make sense!

Teacha 2:11

But wen I look eryting I get, from wat my hands stay do, An wat I work fo get, You know wat?! No make sense all dat—jalike I stay chase da wind! I no mo notting unda da sun dat goin las!

Isaiah 40:17

“Wen Da One In Charge look da peopo in all da diffren countries, Jalike dey notting! Da way he tink bout dem, He know dey no worth notting, Jalike dey notting to him.

James 4:14

Eh, you guys! You guys donno wat goin happen tomorra, o how yoa life goin be! You jalike da morning kine cloud dat come way down. You spock um one short time ony, an den, dey go way.

2 Peter 3:8

Eh, my good frenz! No foget dis one ting, aah? Da One In Charge figga diffren den how us guys figga bout how time work. Fo him, one day, o one tousan year, same same.