Songs 39:2 - Hawaii Pidgin Bible

² Az how come I no tell notting. I no talk notting, Even bout da good kine stuff. But dat ony make me hurt Mo plenny inside!

Songs 39:2 ပူးပေါင်းရင်းမြစ်များ

Songs 119:33

Eh! You Da One In Charge! Teach me how fo live Da way you tell I gotta live. Den, I goin go fo broke An do wat you tell me fo do.

Songs 119:34

Help me fo undastan da Rules you give, So den fo shua I goin do um.

Songs 141:3

Eh! Da One In Charge, I like you make shua Notting bad come outa my mout! Proteck eryting I tell.

Songs 34:14

No go do bad kine stuff. Ony do good kine stuff. Work hard fo be frenz wit erybody.

Isaiah 53:7

Da guy dat work fo Da One In Charge, Da peopo give him hard time. Dey make him suffa, But he no tell notting. Dey take him out jalike one sheep Fo kill him. But jalike da sheeps Wen dey cut off all da wool, dey no make noise, He no tell notting too.

Matthew 7:6

“No give stuff dat stay spesho fo God to da guys dat goin talk bad bout um an goin wase um. Cuz dey jalike da dogs dat goin turn aroun fo attack you guys. An dey jalike da wild pigs—if you give um fancy kine jewelry dat worth plenny, dey ony goin walk all ova on top um. Den dey goin turn aroun an wase you guys.

Jesus Guys 4:20

Cuz us guys, no way us can no talk bout da tings we wen see an hear.”