Songs 39:1 - Hawaii Pidgin Bible

¹ Dis wat I wen tell: “I goin watch how I live, So I no tell bad kine stuff. I goin make shua I shut my mout Weneva get peopo nea me Dat stay do bad kine stuff.”

Songs 39:1 ပူးပေါင်းရင်းမြစ်များ

1 Kings 2:4

Wen you do all dat, den Da One In Charge goin make happen wat he tell bout me befo time, ‘Da king guys dat come born from yoa blood bumbye, dey gotta watch out how dey ack cuz I goin see how dey ack. If dey go all out fo do eryting wit one good heart, an wit eryting dey get inside, I know I can trus dem. Den me, Da One In Charge, I no goin wipe out yoa blood line eva. Erytime goin get one guy dat come from yoa blood line, dat goin be da King fo sit on top da throne fo da Israel peopo.’ Dass wat Da One In Charge wen tell bout me.

2 Kings 10:31

But Jehu neva go do all wat da rules tell, dat Da One In Charge, da God fo da Israel peopo, wen give um. He neva tell “Laytas” to da bad kine stuff dat Jeroboam wen do, an dat Jeroboam wen make da Israel peopo do.

1 Records 16:41

David wen make one lis wit Heman an Jedutun, some pries guys, an some odda guys he pick. Dea kuleana az fo make shua erybody tell good tings bout Da One In Charge. Az “cuz he stay tight wit his peopo foeva!”

Job 2:10

He tell her, “You talk jalike one stupid wahine! You tink us goin get ony good kine stuff from God, an no mo bad tings too, o wat?!” Wen all dis stay happen, Job no tell notting bad.

Songs 119:9

Fo one young guy, How he goin make shua He no goin do notting pilau kine, All da time he stay alive? He gotta make shua he do Eryting you tell um fo do! Az how.

Songs 12:4

Dey tell, “Cuz us guys talk wit plenny powa, Dass how we goin win! Cuz we talk nice kine, No mo nobody can tell us guys wat fo do!”

Songs 141:3

Eh! Da One In Charge, I like you make shua Notting bad come outa my mout! Proteck eryting I tell.

Songs 34:13

Make shua you no tell notting bad. Make shua you no bulai nobody Fo get someting from dem.

Songs 62:1

Inside, I stay quiet an wait ony fo God. God da ony one Goin get me outa trouble.

Songs 77:1

I stay yell to God cuz I stay sad inside! I yell to him fo him lissen me.

Smart Guys 18:21

Da tings peopo tell Get da powa fo kill odda peopo, O fo make um come alive. Da kine peopo dat like fo talk plenny, Wateva dey tell, goin come back to dem.

Smart Guys 21:23

Whoeva take kea wat come outa dea mout wen dey tell, Big kine trouble no goin come to dem.

Amos 5:13

“Fo shua, weneva tings stay lidat, Da smart peopo dat you guys hate, Dey no goin say notting, Cuz eryting stay bad awready.

Colosse 4:5

Wen you guys stay aroun peopo dat no trus God still yet, try figga firs, da way you guys ack aroun dem. Erytime you guys get chance, tell um bout Christ.

Hebrews 2:1

Us guys gotta tink plenny bout all da stuff we wen hear fo us no foget um.

James 1:26

If one guy tink he erytime do wat God like, but no hold back his mout, his religion wase time, cuz he stay fooling ony him!