Songs 38:6 - Hawaii Pidgin Bible

⁶ I no can stan up strait, cuz real sore. Ery day, I feel sad, Jalike wen somebody mahke.

Songs 38:6 ပူးပေါင်းရင်းမြစ်များ

Job 30:28

I come dark, but not from da hot sun. I stan up wea da peopo come togedda, an yell fo help.

Job 7:5

My body get worms an dirty scabs all ova. My skin get plenny sores an da pus come out slow.

Songs 107:17

Some a dem wen come stupid An get one attitude, Cuz dey like beef wit God, An cuz dey stay do Any kine bad kine stuff, Plenny trouble come to dem cuz a dat.

Songs 145:14

Wen peopo fall down, Da One In Charge let um lean On top him fo dem stan up. Jalike dey all bend ova Wit heavy kine stuffs fo carry, An he help um stan up.

Songs 31:10

My life, all poho, Cuz I stay real sore inside. I ony goin live short time, Cuz all da time I stay moaning. Befo I strong, but now I ony tired, Cuz a da bad tings I wen do. Even my bones come weak.

Songs 35:14

Fo me I sore inside Jalike wen one fren o braddah mahke. I wen go all ova jalike somebody Dat cry cuz dea muddah mahke. I look down an I cry plenny.

Songs 42:5

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I still goin get Good tings fo tell bout him! Him, he da God fo me, An he stay get me outa trouble.”

Songs 42:9

I goin talk lidis to God: “Eh! You jalike One big solid rock fo me! So, how come You wen foget bout me?! How come I gotta live all sore inside, Erytime da peopo dat stay agains me, Come afta me?!”

Songs 43:2

Cuz you da God fo me. You jalike One strong wall so I no get hurt. So, how come you wen dump me?! How come I gotta live real sore inside, An da peopo dat stay agains me, Dey erytime come afta me?!

Songs 57:6

Da peopo dat stay agains me, Dey wen make ready One net fo catch me. Cuz a dat, I wen feel all bum out. Dey wen dig one big hole Wea dey know I goin go, But dey da ones Wen fall down inside dea! (Time out fo da music.)

Songs 6:6

I stay tired cuz I stay moan all da time. Ery nite, I cry till da bed all wet. My pillow wet cuz I stay crying.

Songs 88:9

My eyes, all poho Cuz I stay sad inside. Still yet, ery day I yell fo you help me, An I put up my hands fo pray to you, Da One In Charge.

Isaiah 38:14

I make noise jalike da swallow bird o da heron bird. An make sad kine noise jalike one dove. I try fo look up to you in da sky, But my eyes too tired, I can ony look down. I get plenny presha! Help fo take kea me, my Boss!