Songs 38:4 - Hawaii Pidgin Bible

⁴ I know you gotta punish me Fo wat I wen do, But I no can handle dat. Jalike I gotta carry someting Real heavy.

Songs 38:4 ပူးပေါင်းရင်းမြစ်များ

Ezra 9:6

I tell: “You, my God! But I stay get plenny shame! Real plenny shame, so I no can even look up to you, my God. Da bad tings us guys stay do, jalike one big pile a rubbish dat mo high den oua head! Da shame fo do all dat bad kine stuff, jalike go all da way up to da sky!

Job 33:19

Get one time wen God make peopo come sick. He make um stay in bed an suffa. Dea body stay hurt all da time, But dass how he teach um someting.

Songs 107:17

Some a dem wen come stupid An get one attitude, Cuz dey like beef wit God, An cuz dey stay do Any kine bad kine stuff, Plenny trouble come to dem cuz a dat.

Songs 40:12

Cuz all aroun me Get peopo do bad kine stuff, Mo plenny den I can figga. Da bad kine stuff catch up wit me. I no can see good! I get choke plenny trouble, Mo plenny Den da hairs on top my head. I like be strong, But no can!

Isaiah 53:11

Afta da guy dat work fo Da One In Charge Work real hard an suffa plenny, He goin see wat happen cuz a all dat, An he goin feel good inside. Da One In Charge tell, “Cuz my worka guy know wat he stay do, An cuz he do da right ting erytime, He goin make plenny peopo Get um right wit me. Az cuz he da one take da blame Fo all da bad kine stuff dose peopo do.

Sad Song 1:14

“Da One In Charge take all da bad tings I wen do, An tie um togedda fo come one yoke Dat stay on top my neck. He make me come weak. I no can win ova da strong guys. He give me to dem.

Prieses 7:18

Day numba three, if somebody eat some a da meat from da sacrifice fo show dat me, Da One In Charge, an da guy stay tight wit each odda, I no goin take dat sacrifice. I no goin take um fo da guy dat wen give um, cuz stay rotten an no stay clean. Da guy dat eat um goin get da blame cuz he eat um.

Matthew 11:28

“All you guys dat stay work hard an carry heavy kine stuff dat make you come wore out, come! Go come ova hea by me. I goin give you guys res.

1 Peter 2:24

Christ, he da One dat wen carry all da bad kine stuff us guys wen do on top his body wen he mahke on top da cross. He wen do all dat so us guys no gotta mahke fo da bad kine stuff we wen do. Now, we ony stay live fo do da right kine stuff. Christ wen bleed an mahke fo us guys come good.