Songs 38:1 - Hawaii Pidgin Bible

¹ Eh! You Da One In Charge! Wen you tell me I stay do someting wrong, No come real huhu wit me Wen you give me lickins Fo teach me stuff!

Songs 38:1 ပူးပေါင်းရင်းမြစ်များ

Songs 6:1

Eh! You Da One In Charge! No scold me wen you stay huhu! No punish me wen you stay mad!

Songs 70:1

Eh God! Get me outa trouble! Eh! You Da One In Charge! Help me right now!

Songs 88:7

You plenny huhu, jalike you smash me, An all yoa big waves poun me down. (Time out fo da music.)

Isaiah 27:8

God, presha da Israel peopo, But ony litto bit, wen you make dem go way from dea land. You make da Israel peopo go away Jalike wit one strong wind from da east side.

Isaiah 54:8

I wen get real mad, Jalike one flash flood, Cuz I no like wat you guys stay do dat time. I turn my face away so you no can see um Fo short time. But I get love an pity fo you guys, An I goin stay tight wit you foeva.” Dass wat Da One In Charge tell, Da One dat pay da price Fo get you guys outa trouble.

Jeremiah 10:24

Show me wat da right ting fo me do Wen I stay do da wrong kine ting, But judge me da right way! No come huhu wit me wen you judge me, Cuz no good you make me come wipe out!

Jeremiah 30:11

I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Habakkuk 3:2

Da One In Charge, I hear wat peopo tell bout you. I get awesome respeck fo you, Fo all da awesome stuff you wen do awready. Try do um one mo time! Dese years right now, Make peopo know wat you wen do. No matta you stay huhu wit us, No foget show us guys pity!

Rules Secon Time 9:19

I come real sked, cuz Da One In Charge stay real plenny huhu wit you guys an he like wipe you out den an dea. But dat time too, I pray an he lissen me.