Songs 32:8 - Hawaii Pidgin Bible

⁸ Da One In Charge tell: “I goin help you undastan An show you da way you suppose to go. I goin tell you wass da bestes ting fo you fo do, Cuz I stay watch out fo you.

Songs 32:8 ပူးပေါင်းရင်းမြစ်များ

Start 24:48

I go down on top da groun fo show respeck fo Da One In Charge, da God fo my boss Abraham. I tell Da One In Charge dat he do one real good ting fo me, cuz he bring me da right way fo find my boss braddah guy fo take his grandaughta fo come da wife fo Abraham boy.

2 Samuel 22:33

God, he da One dat give me One strong place fo hide. Ery place I go, God open up da way Fo make um good fo me go dea.

1 Kings 8:36

Den I like you lissen from da sky, An let go yoa Israel peopo Fo da bad tings dey wen do, An hemo dea shame! Teach dem da right way fo live, An let da rain come down on top da land, Dat you wen give yoa peopo fo come dea land.

Songs 143:8

Ery day, morning time, I like hear from you Bout how you stay tight wit me, Cuz I stay trus you fo eryting inside. Let me know da way I suppose to go, Cuz you da One fo me talk to.

Songs 25:12

Da ones dat feel jalike dey sked an shaking Wen dey stay in front Da One In Charge, Dey da ones Da One In Charge goin teach Wat way fo go.

Songs 33:18

But Da One In Charge, he stay watch Da peopo dat get respeck fo him, Da ones dat stay wait, Dey shua Da One In Charge Goin show he stay tight wit dem.

Songs 34:11

Eh, my kids! Go come ova hea An lissen me! I goin teach you guys wat mean, Fo get respeck fo Da One In Charge.

Smart Guys 3:1

Wen I talk to my boy, I tell um, “Da rules I stay teach you, Neva eva foget um. Da tings I stay tell you you gotta do, Learn um real good, So all dat goin stay inside you.

Isaiah 48:17

Dis one spesho message from Da One In Charge. Him, da One dat pay da price Fo get you guys outa trouble. He God, da Spesho One fo da Israel peopo. Dis wat Da One In Charge tell: “Me, Da One In Charge, yoa God. I da One stay teach you guys Wass da bestes kine stuff fo you. I stay show you guys da way fo go.

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

Census 9:22

No matta da cloud stay ova da Tent fo two days, o one month, o one year, dass how long da Israel peopo stay wea dey make camp, an no go way from dea. But wen da cloud go up, den dey start fo go.

Matthew 11:29

Jalike da cows get yoke on top dem fo pull dea load, you guys put my yoke on top you. Learn fo do wat I stay teach you. I stay gentle kine an I like take kea odda peopo befo I take kea me, fo notting bodda you guys.