Songs 32:6 - Hawaii Pidgin Bible

⁶ Cuz a dat, I like tell dis: All da peopo dat stay tight wit you, Good dey pray to you Erytime dey get trouble. Jalike wen da big flood come down, An no hit dem.

Songs 32:6 ပူးပေါင်းရင်းမြစ်များ

Songs 144:7

Da peopo from anodda place Stay attack me, So put down yoa hand From up dea wea you stay, An no let dem capcha me. Get me outa trouble, Cuz dey jalike one flood Dat can wipe me out.

Songs 4:3

You guys gotta know dis: Da One In Charge, he make spesho kine To da guys dat stay tight wit him. He make um come his guys fo real kine. Wen I yell fo Da One In Charge help me, he lissen!

Songs 40:3

He wen put inside my mout One song I neva sing befo, One song dat tell How awesome oua God stay. Goin get plenny peopo Dat goin see wat he wen do. Dey goin come all sked cuz a dat, An den, dey goin trus Da One In Charge!

Songs 42:7

I feel jalike I stay Inside da real deep place Inside da middo a da ocean. Da watta make big noise, Soun jalike all da wattafalls You wen make. Da watta come all aroun me. Jalike all da big waves Dat you sen on top me.

Songs 91:7

Notting bad goin happen to you, No matta tousan peopo mahke One side a you An mo den ten tousan peopo Da odda side.

Smart Guys 1:28

She tell: “Dem guys, let um try yell fo me help dem, I no goin lissen! No matta dey try hard fo find me, Dey no goin find me.

Isaiah 43:2

Weneva any one a you guys go thru da watta, I goin stay wit you. Weneva you go thru da rivas, Dey no goin go ova you. Weneva any a you guys walk thru da fire, No goin hurt you, No goin burn you up.

Isaiah 49:8

Dis anodda message from Da One In Charge fo his worka guy: “Wen da right time come, I goin tell you wat you like know. Wen da time come Fo me get da peopo outa trouble, I goin help you an take kea you. I goin make you da one Fo show da deal I get wit my peopo, Az fo real. I goin make da land fo dem use um one mo time, Da fields wea nobody work um long time, I goin give um back to da ohanas dat own um.

Isaiah 55:6

Go all out fo know Da One In Charge Right now, wen he let you guys meet him. Call him fo help you Now, wen he stay nea.

John 7:34

You guys goin look fo me, but you no goin find me, cuz wea I goin go, you guys no can go.”

2 Corint 1:4

He give us good kine words weneva we get hard time, an cuz a dat, us can give good kine words to da odda peopo dat get any kine hard time. We give dem good kine words jalike God wen give us.

2 Corint 6:2

God tell dis inside da Bible, “I wen hear you at da right time. I wen kokua you, da time I like get you outa da bad kine stuff.” Eh, lissen! Now da right time fo God get you outa da bad kine stuff you stay in!

1 Timoty 1:16

But Jesus Christ wen give me chance, no matta I wen do all dat bad kine stuff. Cuz he like use me fo show da odda peopo how he wait fo dem long time too. I jalike da numba one picha fo da peopo dat bumbye goin trus Jesus, an get da real kine life dat goin stay to da max foeva!

Titus 2:12

God like do plenny good kine stuffs fo us guys. Dass how come he teach us fo tell, “No way!” fo da kine stuff dat God no like, an “Not even!” fo da bad kine stuff da peopo inside dis world like do. He teach us fo take charge a how us live, fo do da right tings, an fo do da kine stuff dat he like fo us do, hea inside da world nowdays.