Songs 32:3 - Hawaii Pidgin Bible

³ Had one time, I neva tell notting Bout da bad tings I wen do, Dat time, my body wen come all weak An all day I ony stay moan real loud.

Songs 32:3 ပူးပေါင်းရင်းမြစ်များ

2 Samuel 11:27

Afta da time fo cry fo Uriah pau, David tell his guys fo bring her to his palace, an she come his wife. She born one boy fo him. But da way Da One In Charge see um, da ting David wen do was wrong.

Job 3:24

I ony yell an moan, an no can eat. I stay moan loud cuz I stay crying plenny.

Job 30:17

Nite time I feel jalike someting stay digging inside my bones. Jalike someting stay chewing on me, dat no can res.

Job 30:30

My skin come black, My body stay hot wit feva.

Songs 22:1

Eh God! You da God fo me! So, how come you wen bag from me an leave me hea?! How come you stay far away from me?! I stay cry plenny, but you no get me outa trouble!

Songs 38:3

Cuz you stay huhu wit me, All my body stay sick. Cuz I wen do bad kine stuff, I no can feel good.

Songs 38:8

I stay real tired an bum out to da max. Cuz I stay sad inside, Dass why I stay moaning.

Songs 51:8

Make shua I know Dat you wen hemo my shame. Den I can dance an sing an yell Cuz I stay good inside! Fo now, I feel all bus up. So make me feel good inside One mo time!

Songs 6:2

Eh! You Da One In Charge! Be good to me, cuz my body stay weak! Make my body come good, Cuz I sked an shaking all ova.

Smart Guys 17:22

Wen you feel jalike you like dance an sing inside, Dass good medicine fo yoa body. But wen you stay sad inside, Jalike yoa body all jam up.

Smart Guys 28:13

Whoeva do stuff agains God, An den try fo cova up wat dey wen do, Garans stuff no goin come out good fo dem. Whoeva do stuff agains God, But den dey tell God dey wen do wass wrong, An no make lidat no moa, God give dem chance.

Isaiah 51:20

Yoa boys pass out. Dey lay down dea, da end a ery road. Jalike one deer dey catch inside one net. Yoa God, Da One In Charge, stay real huhu wit dem. An stay poin finga dem.

Isaiah 57:17

Wen dey do bad kine stuff, An dey come greedy fo get eryting fo ony dem, I punish dem, An no do notting good fo dem Cuz I real huhu. But still yet, dey do Wateva dey tink az good.

Isaiah 59:11

All us guys make sad kine noise jalike da bear. We soun sad jalike da dove. We stay wait fo God da Judge tell Dat us guys do da right kine ting, But he no tell notting. We stay wait fo somebody get us outa trouble, But dey too far away from wea us guys stay.

Sad Song 1:3

Da Judah peopo come prisonas an go far away, Afta dey get hard time an gotta work real hard. Dey live wit diffren kine peopos. Dey no mo place fo res. All da peopo dat chase dem Catch dem up wen dey get hard time.

Sad Song 3:4

He make my skin an muscle come ol. He smash my bones.

Sad Song 3:8

Even wen I call an yell fo somebody fo come help me, Da One In Charge make deaf ear wen I pray.

Hosea 7:14

Dey no call me wit one good heart. Dey ony lay on top dea beds an cry loud. Dey cut dea body Fo odda gods give um wheat an barley an new wine, But dey tell ‘Laytas’ to me!

1 Samuel 31:13

Den dey take da bones, an bury um unda da tamarisk tree Jabesh side. Dey no eat fo seven days, fo show dey stay sad inside.