Songs 32:11 - Hawaii Pidgin Bible

¹¹ Eh! All you peopo dat get um right Wit Da One In Charge, Stay good inside, Cuz you stay tight wit him! All you guys dat get one good heart Fo do da right ting, Dance an sing, Cuz you stay real good inside!

Songs 32:11 ပူးပေါင်းရင်းမြစ်များ

Songs 125:4

Eh! You Da One In Charge! Try do good tings Fo da good kine peopo, Da ones dat get One good heart fo do da right ting.

Songs 32:2

Eryting goin go good fo you If Da One In Charge no tell He gotta punish you, An if you da kine guy Dat no bulai notting inside.

Songs 33:1

Eh! All you guys dat get um right Cuz you stay tight Wit Da One In Charge, Go yell Cuz you guys feel good inside! Az good wen you peopo Dat stay do da right ting Tell how awesome him!

Songs 5:11

But fo all da peopo dat go by you Fo you hide dem from da peopo dat come agains dem, Make dem stay good inside! Dey goin yell all da time cuz dey stay real good inside! You goin make shua nobody hurt dem. Erybody dat get love an aloha fo you Cuz dey know wat kine god you, Make dem feel good inside cuz dey stay tight wit you!

Songs 64:10

Da peopo dat stay do wass right, Dey goin stay real good inside Cuz a Da One In Charge. Dey goin stay tight wit him, So den he no goin Let notting hurt dem. Erybody dat get One good heart fo do wass right, Dey goin tell dat Da One In Charge, He da bestes!

Songs 68:3

But fo da peopo dat stay do wass right, I like fo dem come real good inside An feel good wen dey come In front God! I like fo dem dance an sing Cuz dey stay good inside!

Songs 7:10

God, he take kea me, jalike one shield, Da peopo dat do da right ting erytime, He get dem outa trouble.

Songs 97:1

Da One In Charge, he da king! I like erybody inside da world Stay good inside cuz a dat! I even like all da islans Go dance an sing!

Songs 97:12

All you peopo dat do wass right erytime, You can stay good inside Cuz a wat Da One In Charge stay do! Go tell dat he da greates, Cuz he stay good an spesho!

Songs 98:4

Eh! You peopos all ova da world! Make big noise fo Da One In Charge! Open yoa mout an yell Cuz you stay good inside, an sing!

Zekariah 4:7

Yoa problems jalike dis big strong mountain. But da mountain goin come flat land in front Zerubbabel. Den he goin put da las stone block fo da temple wea suppose to stay, an da peopo goin yell, ‘Az beautiful! Az beautiful!’ ”

Rome 5:11

An get one mo ting! Cuz Da One In Charge, Jesus Christ, wen mahke fo us guys an make pono wit us guys, us can talk big bout God.

Rules Secon Time 12:12

Ova dea you guys goin stay good inside in front God, Da One In Charge, you, an yoa boys an girls, yoa worka guys an wahines, an da Levi ohana guys from yoa town, cuz dey no mo land dat stay dea property.

Philippi 3:1

Kay den, my braddahs an sistahs. Stay good inside cuz you guys stay tight wit Da One In Charge! Da kine stuff I stay tell you guys inside dis letta, dass fo help you guys fo stay outa trouble, an dat no bodda me fo tell you guys dat one mo time.

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.

Philippi 4:4

Kay den. You guys stay tight wit Da One In Charge. Cuz a dat, stay good inside erytime, no matta wat happen! I like tell dis one mo time: Eh! Stay good inside!

1 Samuel 2:1

Den Hannah pray lidis: “Da One In Charge make me feel real good inside. Cuz a all da stuff he wen do, az why I stay feel lidat now! An now I real strong so I no need worry notting. An I no shame fo face da peopo dat stay agains me an talk big agains dem. Cuz you da One dat get me outa trouble, I stay good inside!