Songs 32:10 - Hawaii Pidgin Bible

¹⁰ Da peopo dat do bad kine stuff, Dey goin suffa plenny. But whoeva stay trus Da One In Charge, God goin do all kine stuff Fo show he stay tight wit dem!

Songs 32:10 ပူးပေါင်းရင်းမြစ်များ

Songs 11:6

He goin make fire fall down On top dose bad kine peopo, jalike was rain. He goin punish dem wit burning sulfur an hot wind.

Songs 140:11

No let da ones dat talk bad Bout odda peopo get respeck Hea inside oua land. Da bad peopo dat like bus up erybody, Make bad tings come to dem, Ova an ova!

Songs 146:5

Whoevas get da God Dat Jacob wen pray to fo help dem, Dey can stay good inside. Dey stay shua dat bumbye Da One In Charge goin do Good tings fo dem, Cuz he da God fo dem.

Songs 147:11

Dis wat make Da One In Charge Stay good inside: Wen peopo get choke plenny respeck Fo Da One In Charge, Fo dem feel jalike dey sked In front him, An wen dey wait fo him help dem, Cuz dey know he stay tight wit dem.

Songs 16:4

But now, fo da peopo dat like hang out wit dose gods, Dey goin suffa mo an mo plenny! No way I goin go wit dem fo make one sacrifice An pour blood on top da groun fo dose gods, I no even goin tell da names A da gods dey stay tight wit.

Songs 2:12

Go down in front da king An show respeck. Cuz if you guys no like do dis, Watch out! Cuz if you make him come huhu Even litto bit, Right den an dea, you guys Goin come wipe out, Cuz he come huhu real quick! But all da peopo dat let God Take kea dem, Dey stay good inside.

Songs 34:8

Go check out Da One In Charge! You, find out fo real kine How good he stay! Anybody dat let Da One In Charge Hide dem from trouble, Dey stay good inside!

Songs 40:4

Da peopo dat trus Da One In Charge, Dey stay good inside. Dey no need aks fo help From da peopo dat ack big head, O dat lissen to da bulaia guys.

Songs 5:12

Eh! You Da One In Charge! Dis fo shua: Anybody dat stay do da right ting, You make um so eryting go good fo dem. All aroun dem you make good tings happen Jalike you put one shield aroun dem Fo notting hurt dem.

Songs 84:12

Eh! You Da One In Charge! You da Boss Ova All Da Armies! Erybody dat stay trus you, Dey stay good inside!

Smart Guys 13:21

Wen peopo do bad kine stuff, Bad stuff goin happen to dem. But peopo dat do wass right, Good stuff goin happen to dem cuz a dat.

Smart Guys 16:20

Anybody lissen real good To da guys dat know wat fo do erytime, Dey goin come out okay. Anybody stay trus Da One In Charge, Dey can stay good inside.

Teacha 8:12

Get bad guys dat do uku pile a bad kine tings, an still yet live long time, you know. But I know dis too: Da peopo dat stay sked a God, dey goin live mo betta den da bad kine guys cuz dey get choke respeck fo God.

Isaiah 3:11

Bummahs! fo da guys dat do bad kine stuff, Cuz eryting goin come out bad fo dem! Jalike wat dey do, Dass wat dey goin get.

Isaiah 57:21

“No mo res fo da bad kine guys!” Dass wat my God tell.

1 Timoty 6:10

You know da main ting how come peopo do all kine bad stuffs? Cuz dey get plenny love fo money, az why! Some peopo like get mo money, dass why dey no like trus God no moa. Jalike dey stay stab dea body an suffa plenny.