Songs 30:3 - Hawaii Pidgin Bible

³ Eh! You Da One In Charge! Wen I litto mo mahke, You wen bring me back alive. You wen make me live, Fo me no go down inside da grave Wea da mahke peopo go.

Songs 30:3 ပူးပေါင်းရင်းမြစ်များ

Job 33:28

God wen pay da price, So I no need go inside da Deep Dark Hole! An I goin stay alive fo see da light!’

Songs 107:20

An wat Da One In Charge tell um, Make um come good Fo dem no mahke An go down inside da grave.

Songs 116:8

Cuz you, Da One In Charge, You wen get me outa trouble Fo me no mahke, Az why I no need cry no moa, An fall down.

Songs 16:10

Cuz you no goin leave me Inside da Mahke Peopo Place. I stay tight wit you, Az why you no goin make me know How stay, inside da grave.

Songs 28:1

Eh! You Da One In Charge! You da Guy! You strong, jalike one big rock! I stay yell to you! I like fo you help me! So no go make deaf ear! Cuz if you no do notting, I goin be jalike da peopo Dat litto mo mahke An go inside da Deep Dark Hole!

Songs 56:13

Cuz you wen help me fo me no mahke, So I no trip an fall down. Cuz a dat, God, ery place I go, You stay right dea, Jalike you da light Fo make me stay alive.

Songs 71:20

No matta you wen make me go Thru plenny bad kine trouble, You goin make me come back alive. You goin bring me back up No matta I stay almos inside da grave.

Songs 86:13

Cuz you stay real tight wit me. You even make um Fo me no gotta go da mos deep part A da Mahke Peopo Place!

Isaiah 38:16

“Boss, peopo stay live Cuz you do da same kine tings fo dem Dat you wen do fo me! An all da tings you stay do Make me come alive inside too! I stay alive now. Make my body come good, An let me live some moa!