Songs 30:1 - Hawaii Pidgin Bible

¹ Eh! You Da One In Charge! I stay tell good tings bout you Cuz you get me outa trouble! Da peopo dat stay agains me, You no let dem win ova me An feel good bout dat.

Songs 30:1 ပူးပေါင်းရင်းမြစ်များ

2 Samuel 20:3

Wen David come back his palace inside Jerusalem, he take his ten odda kine wifes, da ones he wen leave fo take kea da palace, an he put dem inside anodda house wit guys fo guard dem. He take kea dem, but he no sleep wit dem no moa. Dey stay inside dea till dey mahke, jalike dey widows.

2 Samuel 24:25

David build one altar fo Da One In Charge ova dea. He make burn up kine sacrifices. He make da kine sacrifices dat show dat God an da peopo stay tight wit each odda. Den Da One In Charge do wat David wen pray fo him do fo da Israel peopo. An da bad kine sick wen pau all ova da Israel land.

2 Samuel 5:11

Same time, Hiram, da king fo Tyre, sen messenja guys by David, an cedar wood, an carpinta guys, an guys dat know how fo build stone wall. Dey build one palace fo David.

2 Samuel 6:20

David go home fo tell his ohana he like God make eryting go good fo dem. But befo he come inside, Saul girl Michal (az David wife) go outside fo tell him howzit. She tell, “Bummahs! You da Israel king. But you lose face today cuz how you wen make! You let da slave wahines dat work fo yoa guys, see yoa body! Dass how da kine guys dat no worth notting stay do, you know!”

2 Samuel 7:2

David tell Nathan (he one guy dat talk fo God), “Eh! I stay living hea inside one nice palace wit cedar wood all ova. But da Box Fo No Foget God, stay inside one cloth tent!”

1 Kings 8:63

Fo show dat eryting stay good wit him an Da One In Charge, Solomon an da pries guys kill 22,000 cows an 120,000 sheeps an goats fo make da sacrifice. An dass how da King an all da Israel peopo start fo use da Temple Fo Da One In Charge.

1 Records 21:6

But Joab no count da Levi ohana guys o da Benjamin ohana guys, cuz he figga az real bad, wat da king wen tell um fo do.

Songs 13:4

No good da guys dat stay agains me Talk big an tell, “Eh, we wen smash um good!” No let dem guys pop off An dance an sing cuz dey win.

Songs 140:8

Eh! You Da One In Charge! No let dose bad peopo do Da kine tings dey like do to me. Eh God! Da tings dey plan fo do, No let um do um. (Time out fo da music.)

Songs 145:1

You da God fo me! You da King! I goin tell erybody dat you da one! All da time, I goin tell peopo Wat kine god you, Dat you do good tings!

Songs 25:2

You da God fo me! I stay trus you. So, no let me come shame. Da peopo dat stay agains me, No let um win ova me An feel good cuz a dat!

Songs 27:6

So now, I goin be da winna Ova da guys dat stay agains me, Dat stay all aroun me. Weneva I bring animals to God tent fo make sacrifice, I goin sing cuz I feel good inside, An make music fo Da One In Charge.

Songs 28:9

Eh! You Da One In Charge! Get yoa peopo outa trouble An give dem da powa fo do Da tings you wen make um fo do, cuz dey yoa guys. So, take kea dem, an back dem up foeva!

Songs 35:19

Da bulaia guys dat stay agains me, No let dem feel good Cuz dey win ova me. Da ones dat hate me No matta I neva do notting to dem, No let dem smile cuz I feel bad.

Songs 41:11

Wen da peopo dat stay agains me No can tell, “Us guys win!” Den I goin know Dat you stay good inside Wen you tink bout me.

Songs 66:17

I wen yell to him fo help me, An I wen tell erybody Dat he da mos importan one.

Songs 79:10

No good da odda peopos Dat donno you tell, “Eh! Dem guys god, wea he stay?!” Da odda peopos, dey wen make Da peopo dat stay work fo you Bleed an mahke. So pay um back plenny fo dat. Let dose peopo know, Dat you da one punish um lidat, An let us guys see you do um.

Songs 79:4

Da peopos dat live aroun us guys Make fun a us guys. Dey make any kine to us An talk bad bout us Jalike we notting.

Sad Song 2:15

All da odda peopo dat pass by you Jerusalem guys, Dey clap hands fo make fun a you guys. Dey shake dea head fo show dey no mo respeck fo you. Dey tell, “Ahanas! Dis da big town dey call ‘Da Beautiful Place,’ o wat?! Dis da place dat peopo all ova da world stay good inside Wen dey tink bout um, o wat?!”

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Rules Secon Time 20:5

Den da main army officers goin tell da army guys, “Anybody hea jus wen build one house, an no make party fo start fo live inside still yet? Okay fo dem go home, cuz if dey mahke bumbye wen dey fight, den some odda guy goin start fo live inside dat house.