Songs 3:7 - Hawaii Pidgin Bible

⁷ Eh! You Da One In Charge! You gotta do someting! Eh, you my God! Get me outa trouble! All da guys dat stay agains me, Slap dea head! Da peopo dat do bad tings, Punch dea face!

Songs 3:7 ပူးပေါင်းရင်းမြစ်များ

2 Samuel 18:8

Dis wat wen happen: Da Israel army guys fight all ova da country side an mo plenny guys mahke cuz da fores eat up mo plenny guys den David army guys wen kill.

Job 16:10

Peopo make fun a me. Dey slap my head. Dey gang up on me.

Job 29:17

Da guys dat do wass not right, I wen bus up dea teets. I wen grab da peopo dey like kill, so dey no can kill nobody.

Songs 10:12

Eh! You Da One In Charge! Go fo broke! Eh God! Bus um up dem bad guys! No foget da peopo dat stay suffa!

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 27:3

No matta one whole army put up dea tents fo go agains me, I not goin come sked. No matta dey make war fo bus me up, Fo shua, I no goin worry.

Songs 35:23

Eh! Wake up! Do someting fo me get my rights! Eh God, you da boss guy fo me. Do someting fo wat I gotta tell In front da judge!

Songs 44:23

Eh! You da boss fo me! Wake up! How come you stay sleeping?! Wake up! No bag From us guys all da time!

Songs 58:6

Eh God! Punch out da teet Inside dese bad leada guys mout! Eh! You Da One In Charge! Dem guys, dey jalike young lions, So go pull out dea big teet!

Songs 59:5

You, you Da One In Charge. You da God Ova All Da Armies You da God fo da Israel peopo. I like you do someting Fo punish all da diffren peopos! No make nice to all da peopo Dat ack jalike dey oua frenz, But den dey do bad tings to us! (Time out fo da music.)

Songs 6:4

Eh! You Da One In Charge! Change yoa mind! No let me mahke! You erytime stay tight wit yoa peopo, So get me outa dis trouble!

Songs 7:6

Eh! You Da One In Charge! Do someting! Get mad an stan up fo fight! Da guys dat stay agains me, Dey all huhu, so go afta dem! Do someting fo help me, You da judge dat tell wass right!

Songs 74:11

How come you no use yoa powa Fo help us? Take yoa hands outa yoa pocket, An wipe out dem army guys!

Songs 76:9

God, you da Judge, An az was da time fo you Fo punish da peopo dat need fo be punish, Fo get all da peopo in da world Outa trouble Dat get plenny presha. (Time out fo da music.)

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Sad Song 3:30

No matta get peopo dat goin slap dea head, An make um get plenny shame.

Habakkuk 2:19

Bummahs, fo da guy dat tell one piece wood, ‘Go come alive!’ O tell one stone dat no can talk, ‘Wake up!’ You tink da wood can tell you wass good fo you do?! Da idol get gold an silva all ova, but no mo life inside.