Songs 3:5 - Hawaii Pidgin Bible

⁵ I wen lay down an go sleep, An nex morning I wake up, Cuz Da One In Charge, He take kea me.

Songs 3:5 ပူးပေါင်းရင်းမြစ်များ

Songs 127:2

Ony wase time Wen you guys wake up real early An pau hana real late Fo bus ass fo get food. Cuz you know, God take kea Da peopo he get love an aloha fo, Even wen dey stay sleeping.

Songs 34:5

Wen peopo wait fo him Fo tell um wat fo do, Dey feel real good, Jalike dea face shine! Dey no come shame.

Songs 4:8

I know fo shua I can lay down an go sleep, An eryting goin go good fo me. Az cuz you, Da One In Charge, you da ony one Dat make me live So dat notting bad goin happen to me.

Songs 66:9

Cuz God, he da One dat make shua Us guys stay alive, He no let us fall down an mahke.

Smart Guys 14:26

Wen you get awesome respeck fo Da One In Charge, You know notting bad goin happen to you, An yoa kids goin stay wea nobody can hurt um.

Smart Guys 18:10

Wen da peopo dat stay do wass right Know fo shua, wat kine god Da One In Charge, Den Da One In Charge goin take kea dem. Jalike Da One In Charge one strong towa fo dem Wea dey can run inside fo hide.

Smart Guys 3:24

Wen you lay down, you no goin come sked, An wen you go sleep, you goin sleep real good.

Isaiah 26:3

Da One In Charge, you take kea Whoevas stay shua bout wat dey tink. Az why dey no mo worries Cuz dey trus you.

Prieses 26:6

“I goin make eryting come good fo you guys inside da land. Wen you guys lay down, you no need stay sked a nobody. I goin take away da wild kine animals from da land, an no mo nobody goin go thru dea fo make war.

Jesus Guys 12:6

Da nite befo Herod plan fo bring Peter in front da judge, Peter stay sleeping. He stay tie up wit two chains, one wit da guard guy on da lef side an da odda wit da guard guy on da right side. Da odda guards stan outside da door.