Songs 28:2 - Hawaii Pidgin Bible

² Try lissen! Ova an ova, I aks you fo do someting I stay yell to you fo help me. I stay stan nea da mos spesho part a yoa Temple An I put up my hands fo pray to you.

Songs 28:2 ပူးပေါင်းရင်းမြစ်များ

1 Kings 6:19

Solomon make ready da Real, Real Spesho room inside da Temple, fo put da Box Fo No Foget Da Deal Wit Da One In Charge dea.

1 Kings 6:5

Outside da Temple wall, da two side an da back, he make storage rooms. But he no like puka da Temple wall fo put inside da beams fo da rooms, so he make one small wall agains da Temple wall an da wall fo da Mos Spesho Place, fo carry da beams. Da wall fo carry da beams stay mo thick fo da bottom rooms, so da rooms aroun da bottom ony 7 feet 6 inch from da door to da wall. Da secon floor rooms, 9 feet from da lanai to da wall, an da top rooms, 10 feet 6 inch from da lanai to da wall.

1 Kings 8:38

But anybody dat pray to you, O beg you fo help dem From all da Israel peopo in da land, An all da ones dat stay pray Know dey stay sad inside, An dey put up dea hands An look dis way wea dis Temple stay,

Songs 125:5

Da peopo dat go da wrong way An do crooked kine stuff, I like fo Da One In Charge Throw dem out, Same time he kick out da odda peopo Dat do bad kine stuff. But fo da Israel peopo, I like eryting go good fo dem!

Songs 130:2

You da boss fo me, So lissen wat I stay tell! Try lissen real good Cuz I beg you fo help me!

Songs 134:2

Put up yoa hands an face da place Dat stay spesho fo God. Tell Da One In Charge dat he good!

Songs 138:2

I goin face da Temple Dat stay spesho fo you Wen I go down fo pray. Dis fo show you love an respeck. I goin tell good tings bout you, Cuz I know who you. Cuz you erytime stay tight Wit yoa peopo, An cuz us guys can trus you Fo do wat you tell you goin do. Dass cuz you do wat you promise fo do, An dass da mos importan ting Peopo know bout you.

Songs 140:6

I tell Da One In Charge dis: “You, you da God fo me!” Eh! You Da One In Charge! Wen I tell you fo help me, try lissen!

Songs 141:1

Eh! You Da One In Charge! I stay yell fo you come help me! Do someting fo me, right now! Wen I yell fo you help me, lissen!

Songs 141:2

Wen I pray, go make wat I pray be okay, Jalike incense dat oua peopo burn Wen dey make one sacrifice in front you, Wen I put up my hands fo pray, Make um be Jalike da late aftanoon sacrifice.

Songs 143:6

I put up my hands an pray to you, Jalike da dry groun dat need watta. Az how I like stay tight wit you! (Time out fo da music.)

Songs 5:7

But me, I go inside yoa house, Cuz you erytime stay tight wit yoa peopo. I go down an show you choke respeck Inside da Temple dat stay spesho fo you.

Songs 63:4

Cuz a dat, I goin tell erybody Dat you do good tings fo me All da time I stay alive. I goin put up my hands Fo show you love an respeck Cuz I know wat kine god you.

Sad Song 2:19

Wake up! Yell loud nite time, Wen da watcha guys start fo call. Pour out eryting inside you, jalike watta in front da Boss. Lif up yoa hands an pray to him, fo yoa kids no mahke! Dey stay hungry, so dey pass out at ery street corna.

Daniel 6:10

Wen Daniel find out dat da king sign da paypa fo da rule, he go home inside his house. Da windows fo da top room stay open an face Jerusalem. Three time ery day inside dat room, Daniel go down on top his knees fo tell God “Mahalo plenny!” cuz he do good tings. Wen he pray, he tell God he da bestes, jalike how he do befo time.

Daniel 6:11

Den dose guys dat stay agains Daniel go his house all togedda an see him pray an aks God fo help him.

1 Timoty 2:8

I like da peopo all ova da place fo pray. Wen dey pray, dey gotta be good an spesho fo God, an no make argue o stay mad at da odda guy. Den az okay fo dem put dea hands in da air fo pray.