Songs 27:9 - Hawaii Pidgin Bible

⁹ No hide from me! No come huhu an tell me fo go way, Cuz I yoa worka guy, An you, you da One dat erytime help me. Eh God! You da One dat erytime get me outa trouble! No bag from me, no leave me hea lidis!

Songs 27:9 ပူးပေါင်းရင်းမြစ်များ

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

Songs 102:2

Right now, I stay presha out, So no go look da odda way! Lissen to me, An do someting fo me real quick Cuz I stay yelling fo you help me!

Songs 102:3

Eh! Da time fo me stay alive, almos pau, Jalike da smoke dat come an go. Jalike I stay burn up inside, Jalike my bones stay burn On top one hot fire.

Songs 119:121

I wen do wass right Jalike you tell I suppose to do Cuz you da judge. No go way from me an leave me, Cuz if you do dat, Da peopo dat presha me, Goin hurt me.

Songs 13:1

Eh! You Da One In Charge! You goin bag from me foeva, o wat?! You goin stay huhu an look da odda way?!

Songs 143:7

Try do someting fo me real quick, Da One In Charge! Cuz I desperate! No look da odda way Fo me no see yoa face! Cuz if I no stay tight wit you, I goin come jalike da odda guys Dat go down da Deep Dark Hole.

Songs 24:5

Fo dat kine peopo, Da One In Charge Goin make eryting Come good fo dem. God goin tell dey wen do da right ting An he goin get um outa trouble.

Songs 44:24

How come you no like Even look at us guys? How come you stay foget How plenny us guys hurt, An da hard time we get From odda peopos?

Songs 51:11

No throw me out Fo you no stay tight wit me no moa. No take away from me Yoa Good An Spesho Spirit.

Songs 69:17

No look da odda way An hide so I no can talk to you, Eh! Dis me, yoa worka guy! I stay stressing out, So do someting fas!

Songs 69:18

Go come nea me, Get me outa trouble, Do wat you gotta do fo save me, Cuz get peopo dat stay agains me.

Songs 88:1

Da One In Charge, you da God Dat get me outa trouble. Day an nite time I yell fo help In front you,

Isaiah 50:1

Dis one spesho message from Da One In Charge: “You guys tink yoa muddah get one divorce paypa Dat I wen make Fo tell dat I wen dump her an sen her away, o wat?! No mo da kine paypa cuz I neva do dat! You tink I owe somebody money An I sell you guys to dem fo pay dem, An az why now you dea slave?! I neva do dat too! Fo shua, I wen sell you guys, But ony cuz you wen do bad kine stuff! I wen sen away you guys muddah But ony cuz you guys go agains me!

Isaiah 59:2

So! How come you guys stay cut off from da God you pray to, Da One In Charge?! Az cuz you guys do bad kine stuff dat God goin punish you fo, az why! How come God no let you see his face An he no lissen?! Cuz you guys stay do bad kine stuff, az why!

Jeremiah 32:40

I goin make one deal wit dem dat goin las foeva: I still yet goin do good kine stuff fo dem, fo dem show respeck fo me, an dey no goin tell “Laytas” to me.

Hebrews 13:5

Try live so you no mo plenny love fo money. Stay good inside bout da stuff you get awready. Cuz God da One tell, “No way I eva goin leave you! No way I goin bag from you!”

1 Samuel 7:12

Den Samuel take one mangus rock, an put um up one place wea get Mizpah on one side, an Shen on da odda side. He name um “Ebenezer,” dat mean “Help Monument,” cuz he tell, “Da One In Charge wen help us all da way to dis place!”