Songs 27:8 - Hawaii Pidgin Bible

⁸ Fo real kine, I like come close to you. Eh! You Da One In Charge! Dass wat I like fo do, Go in front you.

Songs 27:8 ပူးပေါင်းရင်းမြစ်များ

2 Samuel 21:1

One time wen David stay king, food no grow inside da land fo three year cuz no mo rain. So David go in front Da One In Charge fo aks how come. Da One In Charge tell, “Az cuz Saul an his ohana wen kill plenny guys from Gibeon town.” (Da Gibeon peopo no come from Israel, you know. Dey some a da Amor peopo dat still yet stay alive. Befo time, da Israel guys wen make one strong promise fo no kill dem. But layta, wen Saul wen go all out fo da Israel an Judah peopo, he try fo kill all da Gibeon peopo.) Da One In Charge tell, “Az cuz Saul an his ohana wen go kill plenny guys from Gibeon town dat stay lidis.”

2 Records 7:14

If dat kine ting happen, maybe den my peopo, da ones erybody know dey my guys, goin make um come not importan. Dey goin pray an try know me fo real kine. An dey goin no do da bad kine stuff dey wen do no moa. Wen dey do dat, den I goin lissen from da sky. I goin let dem go an hemo dea shame fo da bad kine tings dey wen do. An I goin make dea land come good one mo time.

Songs 105:4

Try go find out wat Da One In Charge Like you fo do, Cuz den he goin make you strong inside. All da time, try fo come mo nea him.

Songs 119:58

I go all out fo make you feel good bout me. You get one good heart. Az why I like you do good tings fo me, Jalike you tell you goin do.

Songs 24:6

Dey da kine peopo dat like go In front God, Da kine peopo dat like stay Nea da God Jacob wen pray to.” (Time out fo da music.)

Isaiah 26:16

Da One In Charge, befo time oua peopo look fo you Wen dey get hard time. Wen you scold dem fo teach dem, Dey ony can wispa wen dey pray to you.

Isaiah 45:19

I no make secret kine wen I talk, Jalike I stay some place Inside one land wea no mo light. I neva tell da peopo dat come from Jacob ohana, ‘No matta you guys try fo find me, Dat no goin mean notting fo you guys.’ Me, Da One In Charge! Wat I tell, I tell um fo real kine.

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

John 11:29

Mary hear dat. She get up quick an go outside wea Jesus stay.