Songs 27:6 - Hawaii Pidgin Bible

⁶ So now, I goin be da winna Ova da guys dat stay agains me, Dat stay all aroun me. Weneva I bring animals to God tent fo make sacrifice, I goin sing cuz I feel good inside, An make music fo Da One In Charge.

Songs 27:6 ပူးပေါင်းရင်းမြစ်များ

Start 40:13

Three days from now, da Pharaoh guy goin make up his mind dat you okay an no need stay inside da prison. He goin give you da same job jalike befo time, fo give da wine to him.

Start 40:20

So den, three days from dat time, da Pharaoh guy make one big party fo his birfday. He tell all his importan worka guys fo come. Den, he tell all dem guys fo go get da guy dat befo time stay in charge a da guys dat give da wine to da king, an da guy dat befo time bake da bread fo da king, an dey bring um to him.

2 Samuel 22:1

David sing lidis fo Da One In Charge, da time Da One In Charge get um outa Saul powa, an outa da powa a all da odda guys dat stay agains him.

2 Samuel 22:49

Wen peopo come agains me, He get me outa dea. “Eh God! You even make me mo importan Den da peopo dat attack me. Wen peopo come fo bus me up, You get me outa trouble.

2 Samuel 7:9

Ery place you go, I stay wit you. I cut off all da guys dat stay agains you. Az why dey no can stan up in front you. Now, I goin make you one big name guy, jalike da mos big name guys in da world.

2 Kings 25:27

Long time afta dat, wen Koniah da Judah king stay prisona Babylon side fo thirty-seven year, Amel-Marduk come da Babylon king. April 2 dat year, he let Koniah go out from jail.

1 Records 22:18

He tell um, “Yoa God Da One In Charge stay wit you guys. He let you guys res from fight da nations all aroun you guys. He wen give me da powa fo be king ova da peopo dat live on top da land. Az why now, da land stay unda Da One In Charge an his peopo—dass you guys.

Songs 107:22

Good dey make one sacrifice Fo tell God “Mahalo!” An tell da story Bout all da tings God stay do. Good dey yell Cuz dey stay good inside!

Songs 110:7

But wen da king come back, He goin drink watta from one stream Nea da road, Den he goin stan up strait Fo show he da winna!

Songs 119:108

Eh! You Da One In Charge! I goin talk good bout you, Jalike dass one sacrifice Dat I like make fo you Fo make you feel good inside. Try teach me da tings you tell Cuz you da judge.

Songs 138:5

Dass why dey goin sing Bout how you do tings. Dey goin tell: “Da One In Charge, He stay real awesome!”

Songs 21:1

Eh! You Da One In Charge! Da king real happy Cuz you stay strong! Da king like throw one party Cuz you wen help him win da war!

Songs 21:13

Da peopo tell: Eh! You Da One In Charge! Stan up an show yoa powa! Come, all us guys goin sing, An tell erybody bout da powa you get!

Songs 3:3

Eh! You Da One In Charge! You, jalike one shield aroun me, Dat no let me get hurt. You da one dat make me come awesome You put me back on top my throne.

Songs 3:4

I wen yell to Da One In Charge Fo help me. He hear me up dea On top da mountain Dat stay spesho fo him, An he help me. (Time out fo da music.)

Songs 47:1

All you peopos, clap yoa hands! Yell plenny fo God, Cuz you stay good inside!

Songs 57:8

I like wake up An make ready my small harp An my bass harp, An get up befo da sun come up.

Songs 81:1

Yell fo oua God, Cuz you stay good inside An him da One make us guys strong! Make big noise fo God, Da one oua ancesta guy Jacob Wen pray to!

Songs 95:1

Eh! Us guys yell to Da One In Charge, Cuz us stay good inside! Us goin make big noise Fo da One dat stay strong Jalike he one big rock, Da One dat get us guys outa trouble!

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Jeremiah 31:7

Dis wat Da One In Charge tell: “Yell, cuz you stay good inside, Bout how da peopo dat come from Jacob stay! Yell fo da nation dass mo importan den all da odda nations! Let erybody hear dat you tell good stuff bout Da One In Charge. Tell: ‘Da One In Charge, get yoa peopo outa trouble, All da Israel peopo dat stay alive still yet.’ ”

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Hebrews 13:15

Us guys, oua ancesta guys wen make sacrifice fo show dey like tell plenny good tings bout God. Az why same ting, us guys goin tell erybody dat us God guys cuz we know who him! Dass why us guys can tell plenny good tings all da time bout how God stay. An we can do all dat cuz a Jesus.

1 Peter 2:5

Eh, you guys, come tight wit Christ fo God use you guys too, jalike you guys da stones fo make one place fo God Spirit. An you guys stay alive fo real kine too, jalike Christ. All you guys goin be jalike pries guys dat stay spesho fo God. Jalike you guys goin give sacrifices to God, da kine sacrifices God like, cuz Jesus Christ wen mahke fo all you guys.

Jesus Show 15:3

Dey stay sing jalike Moses, da guy dat wen work fo God, an jalike God Bebe Sheep Guy. Dey sing: “God, you Da One In Charge! You Da God Dat Get All Da Powa. You do big an awesome stuff. You erytime do wass right an wass true. You da King fo all da diffren peopos foeva an eva!

Jesus Show 5:9

Den dey sing one new song, dat tell: “You da One dat get da right Fo take da paypa, Broke da wax kine seal, An open um. Cuz dey wen kill you jalike one sacrifice. You wen bleed an mahke, Fo pay da price fo bring peopo back to God, From ery ohana, an language, an peopo, an country.