Songs 27:5 - Hawaii Pidgin Bible

⁵ Da One In Charge, weneva get hard time, He goin put me inside his place fo nobody hurt me. He goin let me stay inside his tent Fo nobody find me. He goin put me up high on top one big rock Fo nobody reach me.

Songs 27:5 ပူးပေါင်းရင်းမြစ်များ

2 Records 22:12

Da boy stay dea, hiding inside God Temple fo six year. An all dat time, Ataliah stay in charge a da land.

Songs 10:1

Eh! You Da One In Charge! How come you no stay close to me?! How come, weneva tings come bad, you stay hide?!

Songs 119:114

You, you jalike one place I can hide. You jalike one shield fo me. I stay wait fo you do Wat you wen promise fo do.

Songs 138:7

No matta get trouble ery place I go, An da peopo dat stay agains me Stay huhu, You goin make shua I no mahke. You goin show yoa powa An bus dem guys up! You get da powa Fo get me outa trouble.

Songs 17:8

Try take kea me, Jalike peopo take kea dea eye fo no get hurt! Try proteck me, Jalike da muddah bird put her wing ova da bebe bird!

Songs 18:33

He make um fo me run an no fall down, Jalike one deer dat run fas ova da big mountains.

Songs 31:20

You hide dem right dea wea you stay Fo make shua da peopo Dat make plan fo hurt dem, no can. You put dem inside one place Wea da oddas no can find um, Fo da peopo dat talk bad bout dem No can do notting.

Songs 31:21

Erybody, tell good tings Bout Da One In Charge! Cuz he stay tight wit me Cuz I his guy, an dass awesome! He make shua notting hurt me, No matta I feel jalike odda peopo Stay fight fo take ova my town.

Songs 40:2

He wen pull me up Jalike he pull me outa one big hole Wea I litto mo mahke. He pull me outa dea, Jalike outa da sticky mud Fo make me stan on top one big rock Fo me walk an no fall down.

Songs 40:3

He wen put inside my mout One song I neva sing befo, One song dat tell How awesome oua God stay. Goin get plenny peopo Dat goin see wat he wen do. Dey goin come all sked cuz a dat, An den, dey goin trus Da One In Charge!

Songs 46:1

God, he jalike one place Fo us guys go hide. He make us guys stay strong Fo notting bad happen. Wen get all kine trouble, God stay ready Fo help us guys plenny.

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 57:1

Eh God! Do good tings fo me! Do good tings! Cuz wen I aks you fo take kea a me, Den, nobody can hurt me. I like you take kea me, Jalike da muddah bird Put da bebe birds unda her wing Fo nobody hurt dem. I goin stay by you fo nobody hurt me, Till all dis stuff pau, Dat can wipe me out Jalike one storm.

Songs 61:2

From da mos far place on top dis earth I yell fo you help me Weneva I feel all bum out An weak inside. Show me wea fo go Fo hide on top one big rock Dat stay mo importan den me,

Songs 61:3

Cuz you da one take kea a me Fo me no get hurt. You jalike one strong fort, So dat da guys dat stay agains me No can wack me.

Songs 77:2

Wen I get hard time, I pray to my Boss Fo him show me wat I gotta do. All nite, I put up my hands fo pray, An no come tired. But inside, I no can res.

Songs 83:3

Dey stay make one sly kine plan Fo wipe out yoa peopo. Dey come togedda fo talk Bout how dey goin go afta Da peopo you love.

Songs 91:1

Da God Dass Mo Importan Den All Da Odda Gods, He stay hide you Inside his secret place. Cuz he Da God Dat Get All Da Powa, He let you stay wit him Fo no mo notting hurt you.

Songs 91:15

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

Smart Guys 18:10

Wen da peopo dat stay do wass right Know fo shua, wat kine god Da One In Charge, Den Da One In Charge goin take kea dem. Jalike Da One In Charge one strong towa fo dem Wea dey can run inside fo hide.

Isaiah 26:16

Da One In Charge, befo time oua peopo look fo you Wen dey get hard time. Wen you scold dem fo teach dem, Dey ony can wispa wen dey pray to you.

Isaiah 26:20

My peopo, go inside yoa room An shut da door. Hide inside dea fo litto bit Till Da One In Charge pau come huhu.

Isaiah 32:2

Da king goin be da kine guy Dat goin be jalike one place Fo da peopo hide From da strong wind o da rain, So no can wack um. He goin help da peopo fo res, Jalike one watta ditch inside one dry place, An jalike one big rock Dat make one big shadow In da place wea no mo watta.

Matthew 23:37

“Sad! You Jerusalem peopo! You guys stay kill da guys dat talk fo God, an throw stones fo kill da guys God sen by you guys. Plenny times I wen like bring you guys by me, jalike one muddah chicken bring togedda her bebe chickens unda her wings, but you guys no like come.

Colosse 3:3

Now God take kea you guys, cuz jalike you guys wen mahke wit Christ, but now you guys stay tight wit him an you get da real kine life.