Songs 27:2 - Hawaii Pidgin Bible

² Weneva da bad kine peopo attack me Jalike fo eat me up, Dey da ones dat goin come tired an fall down, not me.

Songs 27:2 ပူးပေါင်းရင်းမြစ်များ

Job 19:22

God, he stay chase me! So how come you guys go afta me too?! You guys goin eat me up too, o wat?!

Job 31:31

My ohana guys neva tell, ‘No mo enuff fo eat, inside Job house,’

Songs 118:12

Dey surroun me Jalike da bees stay attack. But dey goin pio, Jalike one brush fire Dat burn out quick. I bus um up, cuz Da One In Charge Give me his powa!

Songs 14:4

Dem guys dat stay do wass wrong, How come dey neva learn notting? Dey still do wass wrong! Easy fo dem eat up my peopo, Jalike easy fo dem eat bread. An dey no pray to Da One In Charge.

Songs 18:4

Was jalike peopo tie me up fo kill me. Jalike da flood come all ova me An litto mo wipe me out.

Songs 22:16

Da bad guys come all aroun me Jalike wild dogs dat stick togedda. Jalike one gang, dey come close fo hurt me. Jalike one lion, dey rip into my hands an feets.

Songs 3:7

Eh! You Da One In Charge! You gotta do someting! Eh, you my God! Get me outa trouble! All da guys dat stay agains me, Slap dea head! Da peopo dat do bad tings, Punch dea face!

Songs 53:4

Dem guys dat stay do bad kine tings, How come dey neva learn notting? (But fo shua dey know!) Fo dem, easy fo bus up my peopo, Az jalike easy fo eat food. Dey no tink dey need fo yell To Da One In Charge fo help dem.

Songs 9:3

Da guys dat stay agains me, Dey turn aroun. Wen dey come in front you, Dey trip an fall down, An dey come wipe out.

Isaiah 8:15

Jalike plenny peopo goin fall down ova dat big stone, An come all bus up. An jalike dey goin get stuck inside dat trap An come prisonas.