Songs 27:13 - Hawaii Pidgin Bible

¹³ If I neva trus God, den I no goin see How good Da One In Charge stay. But fo shua, I know How good Da One In Charge stay, An fo shua I goin stay alive.

Songs 27:13 ပူးပေါင်းရင်းမြစ်များ

Songs 142:5

I yell fo you fo help me, Da One In Charge. I tell, “You, da one take kea me Fo nobody hurt me. I get ony you, All da time I live inside dis world!”

2 Corint 4:16

Dass why us guys still can handle an no come bum out. No matta oua bodies come mo an mo junk outside, inside God make us mo an mo strong ery day.

Songs 56:3

But any time I stay sked, You da one I trus.

Songs 31:19

Eh God! You awesome, How good you stay! You stash plenny good tings Fo da peopo dat feel jalike dey sked Wen dey stay in front you. You do plenny Fo help da peopo dat come by you Fo you take kea dem. You do good tings fo dem In front erybody.

Songs 56:13

Cuz you wen help me fo me no mahke, So I no trip an fall down. Cuz a dat, God, ery place I go, You stay right dea, Jalike you da light Fo make me stay alive.

Songs 42:5

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I still goin get Good tings fo tell bout him! Him, he da God fo me, An he stay get me outa trouble.”

2 Corint 4:1

Az why, cuz God give us guys chance, we get dis job fo tell peopo bout his New Deal. So we no give up.

Job 28:13

Peopo donno wat az worth, fo know wat fo do erytime. Dey no goin find all dat in dis world wea peopo live.

Efesus 2:8

Cuz God like do plenny fo you guys, an dass how he stay, he stay hemo you guys from da bad kine stuff you do if you trus him. No mo notting you guys can do fo make dis happen. God make um lidis fo you guys jalike he give you one spesho present.

Jeremiah 11:19

Befo Da One In Charge tell me dat, I stay jalike one bebe sheep dat trus da peopo dat lead um out fo kill um, cuz I neva know dey make one plan agains me! Dey tell, “Eh, we goin kill dis Jeremiah buggah an wat he tell, jalike we goin wipe out one tree an eryting dat grow on top um! We goin wipe him out from da land wea peopo live. Den erybody goin foget him an his name!”

Ezekiel 26:20

Den I goin bring you down wit da odda peopo dat go down inside da Deep Dark Hole, wea da peopo dat live long time befo time stay now. I goin make you guys live down inside da earth, in da mos low place, wea eryting all bus up, wit da peopo dat go down inside da Deep Dark Hole. You no goin come back fo live one mo time an get respeck wit da peopo dat stay alive.

Isaiah 38:19

Da peopo dat stay alive, Dey da ones tell dey know how awesome you, Jalike I stay do today. Da faddahs make shua dea kids know How you do wat you tell you goin do.

Job 33:30

He do um fo bring back da guy from da Deep Dark Hole. Fo him live fo real kine Jalike da light shine on top him.

Isaiah 38:11

I tell, “In dis land, wit da peopo dat stay alive, I no goin see Da One In Charge no moa. I no goin see peopo no moa, O stay wit da ones dat live Inside dis world.

Songs 52:5

But God, he goin smash you So you stay bus up all da time. He goin grab you An drag you outa yoa tent, Fo throw you In da Mahke Peopo Place, Jalike he pull out one plant Wit da roots fo kill um. (Time out fo da music.)

Songs 142:6

Try lissen wen I yell fo you help me, Cuz I stay all jam up! Get me outa trouble from da peopo Dat chase afta me, Cuz dey mo strong den me.