Songs 27:11 - Hawaii Pidgin Bible

¹¹ Eh! You Da One In Charge! Teach me how fo live yoa way! Show me da bestes way fo do da right ting, Cuz get plenny peopo dat stay agains me, An dey stay watch me.

Songs 27:11 ပူးပေါင်းရင်းမြစ်များ

Songs 119:10

Eh God! I go all out fo find you. Eh! No let me get side track From da tings you tell me fo do!

Songs 139:24

If you see anyting inside me Dat bodda you, go tell me. Show me da right way fo go Fo get da kine life Dat goin stay to da max foeva!

Songs 25:12

Da ones dat feel jalike dey sked an shaking Wen dey stay in front Da One In Charge, Dey da ones Da One In Charge goin teach Wat way fo go.

Songs 25:9

Da peopo dat no tink Dey gotta be numba one erytime, He show dem how fo go da right way. He teach dem his way fo do tings.

Songs 26:12

Now, jalike I get one solid place fo stan on top Dat stay flat, az how I no goin fall down. An ova hea, wea all God peopo come togedda, I goin tell, “Da One In Charge, he do real good tings fo me!”

Songs 5:8

Eh! You Da One In Charge! Cuz you do da right ting erytime, Show me da way fo go! Cuz get plenny peopo dat stay agains me, Make um fo me do eryting da way you like.

Songs 5:9

Dem guys, no can trus wat come outa dea mout. Inside, dey ony like wipe out peopo. Dey talk nice kine, But ony fo bulai you. You lissen wat dey tell, Jalike you goin fall down Inside one open grave an mahke.

Songs 54:5

Wateva da guys dat like kill me goin do, I like you make dat kine bad stuff Backfire on dem. I stay trus you, so wipe um out!

Songs 64:6

Dey make one plan fo do Real bad kine tings, an tell, “Us guys wen plan um out real good!” Fo shua, real sly kine Wat peopo tink, you know!

Songs 86:11

Eh! You Da One In Charge! Teach me how fo live da way you like. Fo me live da way you like me fo live. Let me go all out fo dis one ting: Fo show you respeck fo real kine Cuz I know wat kine god you!

Smart Guys 15:19

Da lazy buggah, eryting he do, Jalike get keawe thorn. Da guy dat do da right ting all da time, Eryting he do, stay easy.

Smart Guys 8:9

Anybody dat tink bout um an undastan stuff, Dey know dat I tell you fo real kine erytime. Da peopo dat know stuff, Dey know dat eryting I tell you stay fo real kine.

Isaiah 35:8

Dat place, one build up road goin stay ova dea. Peopo goin call um “Da Road Fo Go By Da God Dat Stay Good An Spesho.” Goin be fo da peopo dat stay tight wit God. Da peopo dat do bad kine stuff dat make um so dey no can pray, Dey no can go on dat road. But anybody dat go dat way, Even da stupid ones, Dey no goin get lost.

Jeremiah 20:10

I hear plenny guys talk sof kine, Dey tell, “Dis Jeremiah, da ‘stay real sked’ guy— We go tell on him.” Even all my frenz stay wait fo me fo tell someting wrong. Dey tell, “Maybe us guys can trick Jeremiah! Den we can win, an get back at him!”

Luke 20:20

So dey look fo da right time fo do um. Dey sen some secret guys fo watch him. Dem guys wen ack jalike dey good guys. Dey like trick Jesus wit wat he tell, fo dem bus him an turn him ova to da leada guys an to da govna, da one dat get da powa.