Songs 26:8 - Hawaii Pidgin Bible

⁸ Eh! You Da One In Charge! Fo real kine, I like da house wea you live! Fo real kine, I like go da place Wea peopo see how awesome you stay!

Songs 26:8 ပူးပေါင်းရင်းမြစ်များ

2 Samuel 15:25

But da king tell Zadok, “You an yoa guys, take da Box Fo God back inside Jerusalem town. If Da One In Charge get aloha fo me, he goin bring me back, an let me see da Box an da place wea da Box stay one mo time.

1 Records 29:3

An fo real kine I like go all out fo give my stuffs, my gold an silva, fo da Temple fo my God, mo den da odda stuffs I wen make ready fo dis Temple dat goin stay spesho fo God.

2 Records 5:14

Da pries guys no can stay dea an do dea work, cuz da cloud stay. Da awesome light from Da One In Charge fill up da Temple Fo God!

2 Records 7:1

Wen Solomon pau pray, get fire come down from da sky an eat up da burn up kine sacrifices an da odda sacrifices! One light dat show how awesome Da One In Charge, shine all ova inside da Temple!

2 Records 7:2

Da pries guys no can go inside da Temple Fo Da One In Charge, cuz da light dat show how awesome Da One In Charge shine all ova inside da Temple Fo Da One In Charge.

Songs 122:9

Cuz I love da Temple Fo Da One In Charge, Oua God, I pray dat good tings happen Fo all you guys.

Songs 42:4

I spill my guts, Cuz I no foget how was befo time. Dat time, I wen go In front plenny peopo Fo bring dem by da Temple fo God, Wit erybody amping out Cuz dey stay real good inside. Had choke plenny peopo stay tell God “Mahalo plenny!” An all dem go togedda fo pray to him!

Songs 84:10

Eh God! Mo betta I stay one day Inside da open lanai fo yoa Temple Den stay tousan day odda place! Me, I like be one security guard Dat stan by yoa gate, Mo den I like live wit da peopo Dat stay do bad tings!

Isaiah 38:20

“Da One In Charge goin get me outa trouble. An us goin play harp kine music An sing my songs, Inside da Temple Fo Da One In Charge, All da time us still yet stay alive.”

Isaiah 38:22

an Hezekiah aks wat kine sign Da One In Charge goin give him dat he goin come good.

Ezekiel 3:12

Den da Spirit lif me up, an I hear one noise wen da strong light from Da One In Charge go up from wea he stay. Soun jalike one big earthquake behind me. I like da peopo talk good bout how awesome Da One In Charge stay inside his spesho place!

Luke 2:46

Day numba three, dey find Jesus inside da open lanai fo da Temple, stay sitting dea wit da Jew teachas, lissening to dem, an aksing dem stuff.

Luke 2:49

He tell, “How come you wen look fo me? You neva know I gotta do my Faddah kuleana?”