Songs 26:7 - Hawaii Pidgin Bible

⁷ Same time, I goin make shua erybody hear me tell Dat you da bestes. I goin tell da story Bout all da awesome kine tings you do.

Songs 26:7 ပူးပေါင်းရင်းမြစ်များ

1 Records 16:24

Tell all da diffren peopos da One In Charge story bout How awesome Da One In Charge stay! Tell all da diffren peopos Da awesome tings he wen do Dat peopo no can do!

Songs 105:2

Sing fo him, Make music fo him. Tell ova an ova All da awesome kine tings he do!

Songs 118:19

Eh! Da Temple gate, Wea da peopo dat get um right Wit God go inside, Open um up fo me! I like go inside dea An tell good tings Bout Da One In Charge!

Songs 118:27

Da One In Charge, he God fo real! Da tings he wen do, Az jalike he wen shine da light On top all us guys! All you guys, Carry da tree branches ova hea Fo dis spesho religious kine ceremony, Carry um an bring um by da horns Dat stick out from da altar.”

Songs 119:27

Make me undastan How fo live da way you tell me fo live. Fo me tink plenny Bout da awesome kine tings You stay do.

Songs 134:2

Put up yoa hands an face da place Dat stay spesho fo God. Tell Da One In Charge dat he good!

Songs 145:5

I goin tink plenny Bout how awesome you stay, Az why I get choke respeck fo you! I goin tink plenny bout da awesome tings you do!

Songs 72:18

I like erybody tell good tings bout God, Da One In Charge, Da God fo us Israel peopo! Him da ony god dat do stuff Dass awesome fo real kine!

Songs 9:1

Eh! You Da One In Charge! I goin tell good tings bout you From deep inside me. I like tell all bout all da awesome tings you do.

Songs 9:14

So wen I go back Zion Town, I goin tell bout all da awesome tings you do! I goin show dat I stay good inside Cuz you wen get me outa trouble.

Songs 9:2

I like dance an sing cuz I stay tight wit you. I like tell good tings bout you Cuz I know who you: Da God Dass Mo Importan Den All Da Odda Gods.

Songs 95:2

We go da Temple fo meet him An tell him “Mahalo plenny!” Fo make big noise fo him wen we sing!

1 Samuel 1:24

Afta da boy no need breas feed no moa, Hannah bring him Shiloh. Samuel still stay young yet, but she take him to Da One In Charge house at Shiloh. She bring wit her one three-year-ol bull, one bag flour, an one goat skin full a wine, all fo make her sacrifice.

1 Samuel 1:27

I wen pray to Da One In Charge fo give me dis boy, an Da One In Charge give me wat I aks fo.