Songs 26:12 - Hawaii Pidgin Bible

¹² Now, jalike I get one solid place fo stan on top Dat stay flat, az how I no goin fall down. An ova hea, wea all God peopo come togedda, I goin tell, “Da One In Charge, he do real good tings fo me!”

Songs 26:12 ပူးပေါင်းရင်းမြစ်များ

Songs 107:32

Good dey tell how importan Da One In Charge Wen all da peopo come togedda! Good dey tell dat God da greates Wen dey meet wit da older leadas!

Songs 111:1

Eh you guys! Tell good tings Bout Da One In Charge! Weneva da peopo dat stay do wass right Come togedda, I goin go all out fo tell How awesome Da One In Charge stay.

Songs 122:4

Dass da place wea all oua ohanas go, Da ones dat get Da One In Charge Fo dea boss. Dass da Rule from God Bout how us guys gotta go Jerusalem, Fo tell good tings Bout Da One In Charge. We do dis cuz we know Wat kine god him!

Songs 26:7

Same time, I goin make shua erybody hear me tell Dat you da bestes. I goin tell da story Bout all da awesome kine tings you do.

Songs 27:11

Eh! You Da One In Charge! Teach me how fo live yoa way! Show me da bestes way fo do da right ting, Cuz get plenny peopo dat stay agains me, An dey stay watch me.

Songs 40:2

He wen pull me up Jalike he pull me outa one big hole Wea I litto mo mahke. He pull me outa dea, Jalike outa da sticky mud Fo make me stan on top one big rock Fo me walk an no fall down.

Songs 68:27

Den, da peopo from da mos small ohana Come, dass da Benjamin ohana. An afta, big stack leada guys From da Judah ohana, An da leadas from da Zebulun An Naftali ohanas too.

Smart Guys 10:9

Da peopo dat erytime do stuff da right way, Dey no need worry, notting bad goin happen to dem. Da peopo dat like make eryting come jam up, Erybody goin know how dey stay fo real kine.

Hebrews 2:12

Dis wat Jesus tell God: “I goin tell all my braddahs an sistahs Bout wat kine god you. An wen my braddahs an sistahs all come togedda, I goin sing bout you.”

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!