Songs 26:1 - Hawaii Pidgin Bible

¹ Eh! You Da One In Charge! You da judge, So tell erybody I neva do notting bad! Cuz da way I live, I do eryting how I suppose to do. I stay trus you, Da One In Charge, An I no change my mind.

Songs 26:1 ပူးပေါင်းရင်းမြစ်များ

2 Kings 20:3

“Da One In Charge! Try no foget, dat all da stuff I do, I no hide um from you. I try erytime fo be da kine guy you can trus, an do eryting I promise fo do. I wen try fo make shua I do ony da kine stuff dat you tell az good.” Den Hezekiah cry real hard.

Job 2:3

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff. An he still yet come mo strong fo do stuff dat no mo nobody poin finga him, no matta you wen try make me mess him up fo notting.”

Job 4:6

Fo shua, you get awesome respeck fo God, An dat goin make you stay shua. If you know you no mo blame fo notting, Az goin help you wait fo God do someting.

Songs 121:3

Da One In Charge, he take kea you, Fo you no fall down. He take kea you, an he no goin sleep.

Songs 15:2

Da One In Charge tell: “Fo get da right fo stay wit me, Dey gotta be da kine peopo Dat live so dat nobody can poin finga dem. Dey do da right ting erytime. Dey tell da trut erytime Cuz no mo notting inside dem dey like hide.

Songs 21:7

Eh! You Da One In Charge! You do all dat Cuz da king trus you. You da God Dass Mo Importan Den All Da Odda Gods, An cuz you stay tight wit da king, No mo nobody goin throw him out.

Songs 25:2

You da God fo me! I stay trus you. So, no let me come shame. Da peopo dat stay agains me, No let um win ova me An feel good cuz a dat!

Songs 25:21

Eh God! Watch ova me, So dat notting bad happen to me! Cuz I no bulai, an I do wass right! I stay wait fo you Fo do someting good.

Songs 26:11

But me, da way I live, I do eryting how I suppose to do. Az why, get me outa trouble An do good tings fo me.

Songs 28:7

Da One In Charge, he da One make me strong, An he jalike one shield fo no mo notting hurt me. Inside I trus him. Da One In Charge wen give me powa. He wen help me, an I stay good inside. I like how awesome he stay Dass why I sing dis to him

Songs 31:14

But eh, you Da One In Charge! I stay trus you. I tell, “You, you da God fo me!”

Songs 35:24

Eh! You Da One In Charge! You da judge fo real kine, So tell erybody I neva do notting bad, Cuz you do wass right erytime, An you my God! No let dem buggahs win ova me An feel good cuz a dat!

Songs 37:31

Da Rules dat God teach um Stay inside dem. Dey no jam up notting.

Songs 4:5

Den, go make um right wit God An make da right kine sacrifice fo him. Trus Da One In Charge.

Songs 43:1

Eh God! You da judge Fo show erybody dat I okay. I need fo you show proof Dat I neva do notting bad. Cuz da whole nation, Dey no stay tight wit you! I need fo you rescue me Away one place Wea dey no can hurt me. Away from da ones dat stay bulai An do bad tings to me.

Songs 54:1

Eh God! Get me outa trouble, Cuz dass da kine God you. You one strong judge, So tell peopo I neva do notting bad.

Songs 62:2

He da ony one dat stay Jalike one big rock wea I can hide, An he get me outa trouble. He jalike one strong wall fo me. Nobody goin make me Fall down real hard.

Songs 62:6

He da ony one dat stay Jalike one big rock wea I can hide, An he get me outa trouble. He jalike one strong wall fo me. Nobody goin make me Fall down real hard.

Songs 7:8

Eh! Da One In Charge, you da judge fo all da diffren peopos Kay den, Da One In Charge, show dat I stay right wit you, Cuz nobody can poin finga me. You, da Mos Importan One!

Songs 94:18

Weneva I tink, “I no can stan up!” You stay right dea, Da One In Charge, An you no let me fall down!

Smart Guys 20:7

Da kine guy dat do da right ting erytime An live so nobody poin finga him, His kids goin stay good inside, Even afta dea faddah mahke.

Smart Guys 29:25

Anybody stay sked an shaking Cuz a how dey tink odda peopo tink bout dem, Az jalike one trap dat catch da guy dat stay sked. But anybody stay trus Da One In Charge, Da One In Charge goin make shua notting hurt dem.

2 Corint 1:12

Dis how come we talk big. Fo shua us guys know we do wat God like us fo do. Us do um jus cuz we like do um, fo erybody see dat God make us guys do wass fo real. Us no do um wit da kine smarts da peopo get, but wit da kine smarts dat God give us cuz he get one good heart. Az how us wen live in dis world, an even mo plenny how us guys wen make fo help you guys.

Hebrews 10:23

We stay shua dat God goin do good kine stuff fo us bumbye. So us guys goin go all out an no make jalike we not shua bout wat we tell goin happen. Cuz God da One dat wen make one promise dat he goin do good kine stuff fo us, an he erytime do wat he tell he goin do.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.

2 Peter 1:10

So den, my braddahs an sistahs, go all out mo den befo time fo show dat God wen pick you guys. He wen tell you fo come be his guys, an you guys wen do um. Now, make shua you guys live lidat. Den you guys no goin come all jam up, eva.

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!

1 Samuel 24:15

I like Da One In Charge be da judge fo tell if you stay right, o I stay right! He can tell who get da blame. I like him tink bout wat I stay do. I like him tell erybody dat I not da one fo get da blame, an you, Saul, an you no mo da powa ova me.”