Songs 25:3 - Hawaii Pidgin Bible

³ Same ting fo all da peopo dat stay wait fo you Cuz dey shua you goin help um. No let dem come shame too! But da back stabbas Dat do um cuz dey like do um, Make dem come shame!

Songs 25:3 ပူးပေါင်းရင်းမြစ်များ

Start 49:13

“Zebulun! He goin live by da beach. He goin make one boat harbor. Da Sidon peopo goin be his neighba guys.

1 Records 10:13

Saul wen mahke cuz he go agains Da One In Charge. He no do wat Da One In Charge wen tell um fo do. He even tell one wahine dat talk to da mahke peopo spirits, fo tell him wat fo do.

Songs 109:3

Dey come all aroun me Fo tell how plenny dey hate me. Dey attack me, no matta I neva do notting to dem.

Songs 119:78

Da peopo dat ack Jalike dey no gotta lissen you, Make dem come shame. Dem guys, dey bulai Fo make peopo tink I no good. But me, I goin tink plenny Bout da tings you tell me I gotta do.

Songs 123:2

All us guys make ready fo do Wateva oua God, Dass Da One In Charge a us, Like us fo do, An us stay waiting fo him do Good tings fo us. We stay ready, jalike da slave guys Wait fo see wat dea boss like um fo do, An jalike da slave wahines stay ready Fo find out wat da wahine dey work fo Like dem fo do.

Songs 132:18

I goin make shua, wen you tink bout Da peopo dat stay agains my king, You ony goin rememba Dat I put plenny shame on dem. But da crown on top da king head Goin shine so you no foget How awesome him!”

Songs 22:6

But me, I one nobody, Jalike I one worm, not one man. Erybody talk bad bout me, Da peopo ack jalike I no good!

Songs 27:14

Eh erybody! Try wait! Da One In Charge goin take kea you! No lose fight, an no come sked notting! Wait fo Da One In Charge take kea you!

Songs 31:17

Eh! You Da One In Charge! No let notting happen Fo make me come shame! You da one I stay yelling to Fo help me. Da peopo dat stay do wass not right, Dey da ones goin come shame. Dey goin go da Mahke Peopo Place An dey no can tell notting.

Songs 31:18

Get peopo dat ack high makamaka kine, An tink dey mo betta den erybody. Dey no shame fo talk bad Bout da peopo dat do wass right. But dey erytime bulai. Mo betta dey shut up, Jalike somebody tie up dea mout.

Songs 33:20

Us guys stay wait Fo Da One In Charge take kea us. He da One dat help us. He jalike one shield Fo no let us guys get hurt.

Songs 35:26

All da ones dat come good inside Weneva someting bad happen to me, I like fo dem get plenny shame Cuz a dat. Da ones dat ack big An make jalike I no good, I like fo peopo No show dem respeck notting.

Songs 37:34

Wen you stay wait Fo Da One In Charge do stuff fo you, Make shua you do eryting How he like. He goin make you come importan Fo you take ova da land. An wen he cut off da peopo Dat do bad tings, You goin see um happen.

Songs 6:10

All da peopo dat stay agains me, Dey goin come shame an sked outa dea mind! Cuz dey real shame, Dey goin run away quick.

Songs 62:1

Inside, I stay quiet an wait ony fo God. God da ony one Goin get me outa trouble.

Songs 62:5

Inside, I stay quiet, wait ony fo God. God da ony one I stay wait fo, Cuz I know he goin do someting.

Songs 69:4

Da peopo dat stay hate me, An I neva do notting Fo make dem hate me, Get mo plenny a dem, Den I get hairs on top my head! Get choke plenny peopo Dat like kill me Fo make me shut up foeva! Dey stay agains me, But dey ony bulai bout me. Dey talk jalike I gotta give back someting Dat I neva take away from nobody!

Songs 69:6

You my Boss, da God Ova All Da Armies. No let da peopo dat trus you Come shame cuz a me! You da God dat da Israel peopo pray to. No let da peopo dat trus you Lose face cuz a me!

Songs 71:13

Da ones dat come agains me fo kill me, I like fo dem come plenny shame An come wipe out. Da ones dat stay look Fo how dey goin hurt me, I like fo peopo tell dem Az no good wat dey do, An I like fo nobody Get respeck fo dem.

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Isaiah 40:31

But da peopo dat wait fo Da One In Charge help dem, Dey goin change fo dem come mo strong still yet. Dey goin fly up jalike da eagle Wit dea wide wing. Dey goin run an no come tired. Dey goin walk an no come wore out.”

Isaiah 49:23

You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”

Jeremiah 20:11

But Da One In Charge, he stay wit me Jalike one skery kine army guy. Az why da guys dat like give me hard time, Dey goin trip an fall down. Dey no goin win. Dey goin come real shame. Tings no goin come good fo dem. Nobody goin foget dat dey get shame all da time.

Sad Song 3:25

Da One In Charge do good tings fo da peopo dat wait fo him, An dat like find out from him wat fo do.

Micah 7:7

“But me, I watch fo Da One In Charge. I wait fo God cuz he goin get me outa all dis trouble. My God goin lissen me.

John 15:25

But all dis stuff stay happen, jalike dea Rules tell, ‘Dey hate me fo notting.’

Rome 8:25

But wen we wait fo someting we neva see happen yet, den we goin hang in dea real good an wait fo see dat happen.