Songs 24:6 - Hawaii Pidgin Bible

⁶ Dey da kine peopo dat like go In front God, Da kine peopo dat like stay Nea da God Jacob wen pray to.” (Time out fo da music.)

Songs 24:6 ပူးပေါင်းရင်းမြစ်များ

Songs 105:4

Try go find out wat Da One In Charge Like you fo do, Cuz den he goin make you strong inside. All da time, try fo come mo nea him.

Songs 22:30

Da peopo dat goin live bumbye, Dey goin work fo Da One In Charge too. Da ones not born yet, dey goin hear bout da Boss, An da peopo dat goin come from dem, same ting.

Songs 27:8

Fo real kine, I like come close to you. Eh! You Da One In Charge! Dass wat I like fo do, Go in front you.

Songs 73:15

But, good I wen make shua Dat I no talk lidat to nobody. Cuz if I wen talk lidat, Garans I wen come one backstabba Fo yoa peopo, God.

Isaiah 53:10

Still yet, was Da One In Charge Dat tink az good, Fo smash da guy dat work fo Him An make him suffa. Da One In Charge make him mahke, jalike one sacrifice Fo all da blame peopo get Cuz a da bad kine stuff we do. But still yet, da guy dat work fo Da One In Charge, He goin see da ones dat goin come from him, an live long time, An he goin get da powa Fo do wateva Da One In Charge like Fo him make happen.

John 1:47

Jesus spock Natanael stay come by him, an he tell, “Dis guy one fo real kine Israel guy. No mo notting fake inside him! He erytime tell da trut.”

Rome 4:16

Dass why mo betta trus him. God like do plenny good tings fo da peopo dat trus him. Az why we know da promise God wen make stay solid fo all us guys dat come from Abraham. Dis not ony fo da peopo dat get da Rules From God, but da peopo dat same time trus God jalike Abraham. Cuz he jalike da faddah fo all us guys.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.